1 Thessalonians 2
2
CHAPTIR TWA.
He comforts his sel in lookin back ower the way he cam amang them; what he said, and what he did, and what he dreed.
1For ye ken yersels, brethren, oor comin amang ye, that it was leal and true.
2But eftir we had dreed afore, and war treatit in a shamefuʼ way, as ye ken, at Philippi, we war free oʼ utterance in oor God to tell ye the Gude‐word oʼ God, wiʼ muckle strife.
3For oor coonsellin isna aʼ error, nor oʼ vileness, nor in twafauldness;
4But eʼen as we hae been lippened by God to be chairged wiʼ the Gude‐word, in siclike mainner div we speak, no to pleasur man, but raither God wha tries oor hearts.
5For at nae time did we hae flatterin words, eʼen as ye ken; nor made a cloak for self‐seekin. God kens.
6Nor seekin praise oʼ men, naither frae you, nor frae ithers: thoʼ we had pooer oʼ claimin #2:6 The support, or daily breid, he gained for his sel (verse 9).support as Christʼs Apostles.
7Nane‐the‐less, we war cannie amang ye, as gin a nursin‐mother war cherishin her ain bairn.
8And sae, bein fain for ye, we had been willin to gie ye no the Gude‐word oʼ God only, but eʼen oor ain sauls; for that ye had come to be sae loeʼd oʼ us.
9For ye mind, brethren, oor toils and sairs: nicht and day toilin, that we micht‐na be a burden to ony oʼ ye, we made kent tʼye the Gude‐word oʼ God.
10Ye are witness (and God), hoo purely, and richtouslie, and faultlesslie, we carryʼt oorsels amang you wha believe.
11Just as ye ken, hoo to ilk ane oʼ ye we war like as a faither to his ain bairns, comfortin and heartenin ye, and testifyin;
12That ye soud walk wordie oʼ God, wha has bidden ye to his ain kingdom and glorie.
13And for this too we are aye giean thanks to God, that whan ye had frae us the word oʼ the message, eʼen Godʼs message, ye took it to ye, no as manʼs word, but eʼen as it is truly, Godʼs word, whilk is eʼen workin inwardly in you wha believe.
14For ye took paittern, brethren, eftir the Kirks oʼ God that are in Judea in Jesus Christ — in that the same things ye tholed frae yere ain countrymen that they did frae the Jews;
15Wha slew baith the Lord Jesus Christ, and the Prophets; and us they persecute, and are displeasin to God, and contrary to aʼ men;
16And wad hinner us frae speakin to the Nations that they micht be saved, to fill up their ain sins aye; for wrath is comin on them to the hinner end oʼt.
17But we, brethren, bein taen awa frae ye for an ʼoor — in presence, no in heart — sae muckle the mair socht to see yere face, wiʼ unco fainness.
18And sae I uncolie desirʼt to come tʼye, ance and again; but Sautan hinderʼt us.
19For what sal be oor hope, or joy, or croon oʼ oor glorie? Sanna eʼen ye thus be, afore oor God, at his #2:19 Oor English has it “comin.” But Paulʼs word here isna sae muckle “comin,” as “haein come,” or “presence”: parousia: no an action sae muckle as a condition. See in iii. 13, and elsewhaur.presence?
20For ye are oor glorie and oor joy!
Currently Selected:
1 Thessalonians 2: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
