1 Thessalonians 1
1
CHAPTIR ANE.
Their faith was spread abreid: and Paul rejoices inʼt.
1Paul, and Silas, and Timothy, to the Kirk oʼ the Thessalonians, in God the Faither, and the Lord Jesus Christ. Tender love to ye, and peace.
2We are aye giean thanks to God for ye aʼ, namin ye in oor prayers.
3Never failin to mind yere wark oʼ faith, and toilin in love, and tholin in hope in oor Lord Jesus Christ, afore oor God and Faither.
4We kennin, brethren belovʼd oʼ God, yere choice.
5And hoo that oor Gude‐word didna come to ye as tidings in word alane; but eke in pooer and the Holie Spirit, and in strang certaintie; eʼen as ye kent whatna kind oʼ men we schawed oorsels amang ye for your sakes:
6And ye took paittern eftir us, and eftir the Lord, takin to ye the word amang mickle affliction, wiʼ joy iʼ the Holie Spirit,
7Sae that ye cam to be a paittern to aʼ the believin anes, in Macedonia and in Greece.
8For, frae you has soondit oot the Lordʼs word, no alane in Macedonia and Greece, but in aʼ ither pairts, yere faith whilk is to God?-?ward has gane oot; sae that we hae nae need to speak oʼt.
9For #1:9 That is the folk that spak oʼ the Lordʼs cause in Thessalonica; whether aiblins as traders they had been till that great mart, and heard it; or men oʼ that place, wha had carryʼt the Gospel abreid.they, their sels, tell aboot us, whatna sort oʼ comin‐in we had to ye, and hoo ye turned aboot frae eidols to God, to serʼ a God — a leevin reality.
10And to look for his Son frae Heeven, wham he raised frae amang the deid, eʼen Jesus, wha saves us frae the wrath thatʼs comin.
Currently Selected:
1 Thessalonians 1: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
