Colossians 4
4
CHAPTIR FOWR.
Deal cannilie wiʼ thae no yet brocht in! A hantle oʼ gude wishes for his freends.
1Maisters, do justice and equity to yere servants; mindin that ye too hae a Maister in Heeven.
2Gie yersels to prayer; takin tent thar‐in, wiʼ giean oʼ thanks.
3And prayin for us as weel, that God wull unsteek to us a door for the word, to speak the ferlies oʼ Christ, for whilk I hae become a prisoner;
4That I may mak it plain; eʼen as I am hauden to speak.
5Walk ye wyssly anent thae ootside; #4:5 Tak ye tent oʼ opportunities! “obteen” them (“buy them”). They come gey aften, gin ye watch for them, as ye wad for a gude bargain!obteenin the opportunity for yersels;
6Yere speech at aʼ times bein wiʼ grace, kitchenʼd wiʼ saut; that ye may ken hoo ye soud be giean ilk ane his answer.
7Aʼ that regairds me, Tychicus wull mak kent tʼye — the weel‐loʼed brither, and faithfuʼ servitor, and fellow‐server iʼ the Lord.
8Him hae I sent tʼye, for this vera thing, that ye may ken the things regairdin us, and that he micht comfort yere hearts.
9Thegither wiʼ Onesimus, the leal and weel‐loʼed brither, wha is frae amang ye. Aʼ things here wull they mak kent tʼye.
10Aristarchus, my marrow in captivity, salutes ye; and Mark, cousin oʼ Barnabas, anent wham ye had instructions. Gin aiblins he comes to ye, gie him welcome.
11And Jesus, the ane caʼd “Justus”; they bein oʼ the circumceesion. Thir alane are fellow‐workers iʼ the kingdom oʼ God; wha in truth, hae been comforters oʼ me.
12Epaphras salutes ye, wha is frae ʼmang ye, a servitor oʼ Jesus Christ: at aʼ times warslin in yere behauf in prayer, that ye may be made to staun complete, and wiʼ fuʼ assurance in aʼ things oʼ the wull oʼ God.
13For I bear witness, that he has unco fainness for ye, and for thae in Laodicea, and thae in Hierapolis.
14Luke, the weel‐loʼed leech, and Demas, salute ye.
15Salute ye the brethren in Laodicea; and Nymphas, and the meetin that is in their hoose.
16And whansaeʼer the letter has been read amang ye, eʼen mak it to be read iʼ the Kirk oʼ the Laodiceans: and that, as weel, the ane oot oʼ Laodicea be read.
17And say to Archippus: “Tak tent weel to the stewardship ye received iʼ the Lord, that it ye may fulfil!”
18The salutation oʼ me Paul, wiʼ my ain haun. Mind ye my chains! Tender love be wiʼ ye!
Currently Selected:
Colossians 4: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
