SOLOMON HLA 4
4
Tlangval
1Hei zoh tuah lang mui sung
ka dawt khi,
Mui sung tak si ko ai hrim;
Hmai khuh dumdang puanzar
khuh toiah,
Na mitfang nih ṭial ririai tein ṭhuro
mitfang bang,
Sawm-ai sam zong Gilead tlangpar
ṭum, meheh run ko lo ai hna.
2Na hatian nih rem kaw hmul riamka
tuute bangin,
Zoh rem loin pakhat hmanh um lo,
kem cingceng tein.
3Na hmurte nih sen sirsiar in maanla
te khi bang,
Aan dawh nunnem iang ngei
hmurka ṭha,
Hmaikhuh dumdang puanzar phen
na bel, taleti cheute vun iang.
4Na hngawng nih cun David
mangbawi i,
khua kil vennak innsanghlei lo ai,
A cun dahkaw ralhriam an chiah i
Kam lo val hna phaw thong khat
an bah.
5Na hnukte pahnih cu ee,
Lili pangpar dawh lak tlong sazuk,
semno khuah khi iang ai hna.
6Khua nih dei lai aa zal, thlizil nih
hrang siarmar,
Mura umnak tlangpar sang ah le
frankinsen umnak mual ah cun
kal ai lang.
7Soinak um lo samthlai rem
dawh tling,
Lungkil ka dawt ṭha hlei cem si ci.
8Kal u si law ka thaisung nu aw,
Lebanon tlang le maw Lebanon
tlangpar in,
Kaltak ko hna Amana tlang hna le
Senir tlang,
Hermon tupi chiandeih umnak le
pawlai keiṭial sahrang umnak cu.
9Ka dawt far can mitsirthli ka ven
cang zongah,
Ka lung mawl in ka hlo ai dah kaw,
Na mitfang le na hromhreng lungvar
rual zong nih.
10Zei bangin dawh maw far can
ka thainu,
Mitsur hang thaw le maw
na sathau rimhmui ṭha,
lo ai na ka dawtnak
sung cem cu.
11Ka thainu aw na hmurka nih khuaihliti
bangin thlum ai,
Na lei tangin cawhnuk le maw
khuaihliti an luang,
Na thil hlawn nih hmui ai hna ee
Lebanon rim khi bang.
12Aanka tiam cia le maw ka dawt cu
Cerhti put le kulh dum tikhor bang.
13Na bel hna cu taleti duum bang si ai,
A chungah cun theitlai rim ṭha cem,
Henna kung le ṭha hlei rim zihmui
an zel.
14Phun sang rimhmui spaik-nard le
maw Saffron, kalamus, nakzik thing
hna he,
Frankinsen, mura, aloes rimhmui
phun zakip an tling.
15Lebanon tlang in maw a puut tivate
hna le
Cerhti thawngin hring dildel.
Ngaknu
16Chim thli tho in zo thli rung
hrang law,
Kei ka dum chung thei ṭha
rimhmui cu,
Kalpi ko hna i zel chialmal in;
Lungthli ka tum val nih dum ah
i chawk in,
ei seh thei ṭha cem hna cu.
Currently Selected:
SOLOMON HLA 4: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
