SOLOMON HLA 3
3
1Zan khuamawt ah tlingkhan dang
cungin,
ka dawtte cu nawl len lang,
Nawl len hmanh ning hmuhton
um ṭung lo,
Au zong lehrul um ri lo.
2Tho in kan lai lungrawn khua chung
cu vel ning law,
Zatlang lam le nuamh hmun zongah
khin hei kawl hmanh ning,
Lungthli ka tum ka kawl cu ee
ka hmu kho ti lo,
Ka dawt nunnem au len ko hmanh ah,
anka lehrul um ri lo.
3Khuachung ralveng thlanghnun
val nih an ka ton,
Ka dawt nunnem ka tum valpa cu,
khuazei tal ah nan hmu maw ka ti.
4Cu hna sin cun tlawm ka liam hnuah,
Tong ai ing ee ka tum valpa cu.
Zaṭial tlaih in sunghno ka nu
sakhnem run toiah,
Luhpi lang ṭian ti loin,
Semnak ka nu sakhnem run inn
dal chungah khin.
Tlangval
5Maw Jerusalem leng rual hna,
Ram hlum sazuk le maw saza min
cem chih in chiat an ser bang.
Ka dawtte cu tho law i hlau ko tiin,
Ṭhangh lai ka senh hna lo cu.
Fung Thumnak
A hawile hna
6Zei hna dah maw fing le tlang lakin
ra ai cu,
Frankinsen zihmui le maw mura
khu khi bang,
Chawlet nih maw an zuar tawn
zihmui khu a hluan.
7Hei zohhmanh u, mang bawi Solomon
zawnhnak doṭhiang
Israel mi chungin val ṭha cem thim
hna kaw,
Kam lo ralṭha sawm ruk nih veng hna
8Cu hna nih cun kingthang nam put in,
raltuk thiam ngai ko si hna;
Zan khuamawt i ral nih an nam
hna zawn ah
Ralring camcin vainam khel thlaih
in dah an um tawn zungzal.
9Mangbawi Solomon nih amah
zonhnak doṭhiang cu,
Remhchun dah kaw Lebanon thing
tian phel ṭha in.
10A remh dah ngai a tung hna khi zong,
Ngun hut thing ṭial rem chuan in;
A khuh cin ṭial sui ser tangdo
ṭhutnak cu,
Maimaw puan cawi dawh hlei in
dah ngai,
An ṭamh Jerusalem leng rual nih.
11Khun a torh le a sunlawi ni ah
A chinh cang maw sunghno a nu nih
sunpar luchin rem dawh hlei,
Cuan cio u law Solomon
mangbawi cu,
A suiluchin rem he in,
Zion ngaknu leng rual hna.
Currently Selected:
SOLOMON HLA 3: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006