SOLOMON HLA 5
5
Tlangval
1Aanka tiam cia far can ka dawt aw,
dum chungah ka ra ai cang,
Ka mura le zihmui ka khawmh hna,
khuaihliti le fu thlum zong ka ei;
Ka mitsur thlum le cawhnuk
ka din hna.
Fung Linak
Ngaknu
2Ka ih le maw tlingkhandang cung
ka zau zawn ah merem thiam loin,
Lungkil ka tum dawh hlei valpa nih,
king maw remh hlei run innkhar;
Tlangval
“Rung lut ai lang na reikiang
pawngah,
ṭhuro dawhte nang hnen ah,
Ka lu le maw sam sawm-ai hna cu,
zan dap dor tlak bang an cin,” a ti.
Ngaknu
3Chun ka thuam cu ka chiah cang
hnu in,
zeitin aih len ser nolh hnga?
Thiang cia ka ketan cawi
rem dawh cu,
zeitinhen thur ṭhan ai hnga?
4Ka dawtte nih innkhar hrenh
tlaih in dir ai kaw,
Ka lung tiang vun cul hrianman.
5Tho rih ning kaw ka tum valpa cu,
innkhar hrenh hunh lang,
Ka zaṭial kut in mura zihmui luang hna ai,
innkhar hrenh tung tiang.
6Ka dawtte cu innkhar hunpiak tuan
kar hlanah,
A khoi ah hen hnulei hertak in,
lam dang a tlai cang ai rua.
Tuar kho hlah ing kan ṭian
zawn ah cun,
kawl len hmanh ning ka hmu
kho ti lo,
Au len zong nih lehrul um ti lo.
7Lungrawn khua vengtu hna nih
kei ka hmu hna,
Tukden le maw hliamhma pu in
Hnemrang chuh tiang tong ai ing.
8Maw Jerusalem ngaknu leng
rual hna,
Ka dawt nunnem nan hmuh
zawn ah cun,
Zuun in a zaw ti in vung chim tawn
ai u.
A hawile hna
9Nu vial lak i a vun iangtu um lo
mui ṭha sung,
Kan nawl hlah law na tum
sang bik cu,
val dang nakin zei hlei maw?
Hi bang na anka tam cu.
Ngaknu
10Ka dawtte cu vang virverte le
sen zilzel,
Kan minung hawi thong hra vial
lakah, a iangtu an um ri lo.
11A lu ah cun sui thiang bik si ai,
Sawm-ai nak le a sam ker hna nih
Nak zingzeng in vazun bawi a hluan.
12A mit hna nih cerhti kam pawng um
ṭhurote khi bang,
Cawhnuk chung kholh ṭhuro mitfang
rikrekte lo ai hna.
13A bel hna cu rimhmui kung ciinnak si
maw rimhmui an chuahter;
A hmur hna nih mura rimhmui
dor in tla,
Lili par dawh bang si ai.
14A ban bom nih sui thluan pum le
lungvar ṭamh khi bang,
A tungtai nih vui ho le maw lapis
lazuli lungvar ṭamh lo ai.
15A mar hna nih sui kheng chung dir
lungvar tung khi bang,
Muisam zongin Lebanon tlang lo
ai ngai dahkaw,
Sidar thing dawh a ṭhawng ṭha hlei
cuang ai ri.
16A anka nih thlum hliarmar tein,
Duhcuang ṭhahlei si ai hrim dahkaw,
Ka dawtte cu duh nun ṭha si ai,
Jerusalem leng rual hna.
Currently Selected:
SOLOMON HLA 5: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
