SALM 86
86
Bawmh Halnak Thlacam
David Thlacamnak
1A derthawmmi le santlai lomi
ka si caah
ka thlacamnak cu ka ngaihpiak law
ka let tuah, Maw Bawipa.
2Nangmah kha an tlaihchanmi
ka si caah
thihnak in ka khamh ko;
nangmah sal ka si ca le nangmah
an bochanmi ka si caah
ka khamh ko sawh.
3Nang cu ka Pathian na si caah
ka cungah zaangfahnak ngei ko,
Maw Bawipa;
chun nitlak in na sinah thla ka cam.
4Ka thlacamnak cu na sinah a kai
lengmang caah
na salpa hi ka lung ka lawmhter ko.
5Nangmah sin i thla a cammi hna
cungah cun na ṭha i
ngaihthiamnak le a fekmi
dawtnak in na khat,
Maw Bawipa.
6 Bawipa, ka thlacamnak cu
ka ngaihpiak law
nangmah bawmh hal in ka aunak hi
ka theihpiak tuah.
7Ka thlacamnak kha na ka leh
tawn caah
harnak caan ah nangmah kha
kan auh lengmang.
8 Bawipa, nangmah bantuk pathian dang
ahohmanh an um lo,
nangmah tuahmi bantuk
a tuah khomi pakhat hmanh
an um lo.
9Nangmah nih na sermi miphun vialte
hi an chuak lai i na hmaiah
an kun lai.
Na lianhngannak kha an thangṭhat lai, #Biat 15.4
10zeicahtiah Pathian, nangmah
lawnglawng hi
a ṭhawngmi na si,
nangmah lawnglawng hi
khuaruahhar a tuah khotu
na si.
11 Bawipa, tuah seh ti na ka duhmi kha
ka cawnpiak law
na nawl kha fel tein ka zulh lai;
ka lungthin a dih umnak in na rian
ka ṭuan nakhnga ka cawnpiak ko.
12Ka lungthin dihlak in
kan thangṭhat lai,
Maw Bawipa ka Pathian;
na lianhngannak cu a zungzal in
ka chim lai.
13A fekmi na dawtnak cu zeitluk in dah
ka caah a ngan!
Thlan tawne in na ka khamh.
14Maw Pathian, miruamkai pawl nih
an ka fuh,
nangmah zei i an rel lomi miṭhalo
pawl nih thah an ka zalh.
15 Bawipa, nang cu zaangfahnak le
dawtnak in a khatmi Pathian
na si;
thin a fual i zaangfahnak a ngei
zungzal i
zumhawktlak a si zungzalmi na si.
16Keimah leiah i mer law
ka zaangfah tuah;
ka nu nih a rak in biak bantukin
kei zong nih kan biak ve caah,
thazang ṭhawnnak ka pe law
ka khamh tuah.
17 Bawipa, na ṭhatnak kha ka cungah
langhter ko,
cu tikah keimah a ka huami hna
nih khan
hnangamnak le bawmhnak
na ka pek kha an hmuh lai i
an ning a zak lai.
Currently Selected:
SALM 86: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
