SALM 85
85
Ram Ṭhatnak Ca Thlacam
Korah Hla
1 Bawipa, na ram cu na zaangfah ko,
Israel cu a kumvui na ṭhatter
ṭhan.
2Na mi hna an sualnak kha
na ngaihthiam hna i
an palhmi vialte kha
na maimilh hna.
3An cung i na thinhunnak kha
na damter i
na thinlinhnak kha na daihter.
4Maw Pathian, kan Khamhtu,
kan kirpi ṭhan law
kan cungah lungsi loin um ti hlah.
5Kan cungah zungzal in maw na thin
a hun ko lai?
Na thin cu a dam bal lai lo maw?
6Thazang thar kan pe law,
na mi nih kan in thangṭhat lai.
7Maw Bawipa, a fekmi na dawtnak cu
kan hmuhsak ko,
na khamhnak zong kan pe fawn.
8 Bawipa Pathian i a chimmi bia cu
ka ngai lai,
hruh lam a simi lam, kan lam kha
kan zulh ṭhan lo caah
a mi kannih hi daihnak kha
a kan kamh.
9Amah a upatmi khamh awkah khan
aa tim zungzal ko i
kan ram chungah hin a sunparnak
cu a um zungzal lai.
10Dawtnak le zumhawktlak sinak cu
an ra ṭi lai;
dinnak le daihnak cu
an i tong lai.
11Minung nih zumhawktlak a sinak kha
van leiah a kai lai i
Pathian dinnak nih vancung khin
a run zoh lai.
12 Bawipa nih kumvui ṭha a kan pek lai i
kan ram nih rawl tampi
a chuahter lai.
13 Bawipa hmaiah khan dinnak cu
a kal lai i
a lam kha a rak sialpiak lai.
Currently Selected:
SALM 85: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
