Popular Bible Verses from SALM 86

Share

BAWIPA, tuah seh ti na ka duhmi kha ka cawnpiak law na nawl kha fel tein ka zulh lai; ka lungthin a dih umnak in na rian ka ṭuan nakhnga ka cawnpiak ko.

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw BAWIPA.

BAWIPA, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

Ka lungthin dihlak in kan thangṭhat lai, Maw BAWIPA ka Pathian; na lianhngannak cu a zungzal in ka chim lai.

Ka thlacamnak kha na ka leh tawn caah harnak caan ah nangmah kha kan auh lengmang.