SALM 80
80
Na Miphun Hi Kan Tungmer Ṭhan Ko
Asaf Hla
1Maw Israel Tuukhal, kan bia
kan ngaihpiak tuah,
Josef kha tuurun bantukin a hruaitu,
kan thlacamnak kan theihpiak tuah.
Cherubim cungah bawiṭhutdan cung i
a ṭhumi, #Exo 25.22
2na dawtnak cu kan cungah
langhter ko;
Efraim le Benjamin le Manasseh
phun cungah langhter ko!
Na ṭhawnnak cu kan hmuhter,
ra law kan khamh tuah.
3Kan kirpi ṭhan ko, Maw Pathian!
Na dawtnak kha kan cungah
langhter law kannih nih
khamhnak kan hmuh lai.
4Maw Lianngan Bik Bawipa Pathian,
zeitik tiang dah na mi hna
kan thlacamnak hi let duh loin
na kan um lai?
5Mitthli hi ni fate kan ei awk rawl ah
na ser i
hrai nganpi khat in kan din awkah
na kan chiahpiak ko.
6Kan khua chingchan hna hmaiah
ningzak in na kan umter i
kan ral nih an lung diriam tein
an kan nihsawh.
7Kan kirpi ṭhan ko,
Maw Lianngan Bik Pathian,
na dawtnak kha kan cungah
langhter law kannih nih
khamhnak kan hmuh lai.
8Izipt ram in mitsur ruang pakhat
na chuahpi;
miphun dang kha na ṭhawl hna i
an ram ah cun cu mitsur ruang cu
na phun.
9A ṭhan khawh nakhnga hmun kha
na thianhpiak i cucaah
a hram cu thukpi an pil kho i
a ruang cu an zam i ram vialte kha
an huh dih.
10Tlang cu thladem a demh hna i
sidar kung ngan pipi cu a nge nih
a huh dih hna.
11A nge cu an zam lengmang i
Mediterranean Rili an phan,
Zufrates Tiva tiang an phan.
12Zeicahdah a kulhnak hau vialte cu
na bauh dih?
Atu cu aa chawkmi paoh nih
a thei kha an fir;
13ngal nih an nan dih i saram vialte
nih an ei.
14Maw Lianngan Bik Pathian,
kanmah leiah i mer ko!
Vancung khin run kan zoh law ra law
na mitsur ruang hi rung khamh ko.
15Nangmah hrimhrim nih na cinmi
mitsur ruang hi ra khamh tuah;
hi tluk ṭhawng in na ṭhantermi
mitsur ruang no hi ra khamh tuah!
16Kan ral nih mei in an khangh i
an sam dih;
na thinhun in zoh hna law
hrawk hna.
17Nangmah nih na thimmi miphun cu
kan huppheng law kan zohkhenh ko,
nangmah nih hi tluk ṭhawng in
na ṭhantermi miphun cu
kan zohkhenh ko!
18Nangmah cu zeitikhmanh ah
kan in mertak ti lai lo;
nungdam in kan umter law
kan in thangṭhat lai.
19Kan kirpi ṭhan ko,
Maw Lianngan Bik Bawipa Pathian!
Na dawtnak kha kan cungah
langhter law kannih nih
khamhnak k zeitikhmanh ah
kan in mertak ti lai lo;
nungdam in kan umter law
kan in thangṭhat lai.
Currently Selected:
SALM 80: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
