SALM 81
81
Puai Caan Hla
Asaf Hla
1A kan chanhtu Pathian cu
lunglawmhnak in hla in
thangṭhat u;
Jakob Pathian cu hla in thangṭhat u!
2Hla dawh sak cu thawk u law
khuang cu tum hna u;
tingtang le thonglawi in aw
dawhdawh cu tum hna u.
3Thla thar caan le thla lai caan ah,
kan puai ah tuu ki cu tum hna u. #Nam 10.10
4Hihi Israel ram ah kan phung a si,
Jakob Pathian nih tuah a kan fialmi
a si.
5Izipt ram doh awkah aa thawh tikah,
Israel mi kha nawlbia ah a pek hna.
Ka theih bal lomi aw pakhat kha
ka theih i cu aw nih cun,
6“Nan keng cung thilrit pipi kha
kan lakpiak cang hna i
nan rianṭuannak bawm kha
kan chiahter cang hna.
7Harnak nan in tikah nan ka auh i
kan khamh hna.
Khuadawm chung i kaa thuhnak
hmun khin ka run in leh hna;
Meribah cerh ah khan
kan hneksak hna. #Exo 17.7; Nam 20.13
8“Ka mi hna, ralrinnak kan pekmi
hna hi ngai tuah u;
Israel, ka bia hi ngai ko sawh!
9Ramdang pathian kha bia hrimhrim
hna hlah u,
keimah dah ti lo cu a dang
zeihmanh bia hna hlah u. #Deu 5.6-7
10Keimah cu Bawipa nan Pathian ka si,
keimah nih Izipt ram in
kan chuahpi hna;
nan ka ang u law rawl
kan pek hna lai.
11“Asinain ka mi nih ka bia ngaih
nan duh lo;
Israel nih ka nawl zulh na duh lo.
12Cucaah nan lung ṭhawn ning bantukin
nan lam kha kan zulhter hna i
nan duhmi paoh kha
kan tuahter hna.
13Ka mi nih hin ka bia ngai u law
zeitluk in dik ka hei i lawmh hnga!
Ka nawl zul u law, zeitluk in dik
ka lung a va si hnga!
14Nan ral kha khulrang tein kan teipiak
ko hna hnga.
15A ka huami cu ka hmaiah
therphang in an kun lai,
dantatnak an inmi cu zungzal in
a hmun lai.
16Changvut ṭha bik in ka
Currently Selected:
SALM 81: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
