SALM 79
79
Na Miphun Hi Kan Luatter Ko
Asaf Hla
1Maw Pathian, lawkihmi nih na mi
hna kan ram hi an rung chim;
na biakinn thiang cu
an thurhhnawmh i
Jerusalem cu an hrawh dih. #2Sia 25.8-10; 2Cha 36.17-19; Jer 52.12-14
2Na mi hna an ruak cu langta ei awkah
an hlonh hna i
na sal hna an ruak cu saram
ei awkah an hlonh hna.
3Na mi hna an thisen cu ti bantukin
an luanter,
Jerusalem khua pumpi ah thi cu ti
bantukin a luang,
ruak vuitu ding ahohmanh
an um lo.
4Kan pawngkam i a ummi miphun hna
nih capo ah an kan saih,
an kan nihsawh i an kan zawmhtaih;
5 Bawipa, zei can dah kan cungah
na thin a hun lai?
Zungzal in maw a hun ko lai?
Na thinhunnak cu zungzal in maw
mei bantukin a alh ko lai?
6Nangmah an bia lomi miphun cu
na thinhunnak kha toih hna law
nangmah an hlawmi cu
na thinhunnak kha langhhnawh
ko hna.
7Annih nih kan mi kha an thah hna i
kan ram kha an hrawh dih.
8Kan pupa hna nih sualnak an tuahmi
ruangah cun kannih cu
dan kan tat hlah,
ruahchan awk zeihmanh kan ngeih ti lo
caah zaangfahnak tu
kan cungah ngei ko.
9Na min upatnak ding caah
kan bawm tuah,
Maw Pathian kan Khamhtu;
kan chuah law kan sualnak cu
kan ngaithiam ko.
10Zeicahdah miphun dang hna nih,
“Nan Pathian cu khuazei ah dah
a um kun?” tiah an kan ti lai?
Na sal kha an thi an luanter hna caah
miphun dang pawl dan
na tat hna cu
kan mit hrimhrim nih
hmu seh.
11Thongtla pawl cu an aihramnak kha
theihpiak ko sawh hna,
thah awkin biakhiah cangmi cu
a liannganmi na ṭhawnnak in
luatter ko hna.
12 Bawipa, miphun dang pawl cu,
nangmah an in zawmhtaih ruangah
khan a let sarih in rul hna.
13Cun kannih na mi, na tuurun chung
tuu hna nih hin,
zungzal in kan in lawmh lai i
kan hmailei hna.
Currently Selected:
SALM 79: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
