PHUNGTHLUKBIA 9
9
Fimnak le Hruhnak Nih Sawmnak
1Fimnak nih a inn kha a sak cang,
a tung pasarih kha
a phun cang hna.
2A sa kha a thah cang hna i
a mitsur hang zong kha
a cawh cang hna i a cabuai
zong kha a ser cang hna.
3Khuachung hmun sang bikbik khan
au awkah a sinum kha a thlah hna i,
4“Lungthin a tlawm deuhmi paoh cu
hika ah hin ra tuah u,” an ti.
Ruahnak a ngei set lomi cu
a thawh hna i,
5“Ra u law changreu kha ei u law
mitsur hang ka cawhmi kha
ding tuah u.
6Hruhnak lam kha kaltak u law
nung cang tuah u,
fimnak lam kha zul tuah u,” a ti.
7Miruamkai a chimhringtu nih cun
rak nihsawhnak kha a in tawn,
miṭhalo nun a chimtu nih cun
hma a in tawn.
8Miruamkai cu nun chim hlah,
an huat sual lai,
mifim cu nun chim law an dawt lai.
9Mifim cu cawnpiak law
a fim chin lai,
miding cu cawnpiak law a thiamnak
aa chap lai.
10 Bawipa ṭih cu fimnak hramthawknak
a si,
A Thiangmi Mi hngalh cu a thukmi
thil hmuh khawhnak a si. #Job 28.28; Slm 111.10; Phut 1.7
11Zeicahtiah keimah thawngin
na ni hna cu an karh lai i
na nunnak ah kum tampi chap
an si lai.
12Na fim ahcun nangmah ca ṭhatnak
a si ko,
miruamkai na si ahcun mawhchiat
awk cu nangmah na si ko.
13Nu hrut cu a lung duh ning paoh khan
a um i
ngakchia bantuk a si i zeihmanh
a hngal lo.
14A inn innka ah khan a ṭhu,
khua chung hmun sang bik hmun i
ṭhutdan ah khan a ṭhu i,
15Lam i a kalmi, anmah lamte i ding
tein a kal komi hna kha,
16“Lungthin a tlawm deuhmi paoh cu
hika leiah hin ra tuah u,”
a ti hna.
Ruahnak a ngei set lomi kha
a thawh hna i,
17“Firmi ti cu a thlum i
a thli tein eimi changreu cu a thaw,”
tiah a ti hna.
18Sihmanhsehlaw khika ah thihnak
a um ti kha an hngal lo i
a sawmmi a hawile hna cu Sheol
a thuknak i a ummi an si kha
an i hngal lo.
Currently Selected:
PHUNGTHLUKBIA 9: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
