PHUNGTHLUKBIA 21
21
1Siangpahrang lungthin cu Bawipa
kut chungah a ummi a si,
tilaknak tilam bantukin a duhnak
lei paoh ah a mermi a si.
2Mi kip nih mahle umtuning cio hi
mahle mit cio ah cun a dik in
hmuh a si,
Sihmanhsehlaw lungthin
cuai a thlaitu cu Bawipa a si.
3Dinnak le biading tuah kha,
raithawinak nakin Bawipa nih
a cohlan deuhmi a si.
4Miṭhalo cu ruamkainak le porhlawtnak
nih a uk hna i hihi sual a si.
5Teimaknak le a hlankan in
ṭha tein
thil rak ruahchungnak nih
duhdimnak kha a chuahter i
cu bantuk ṭhiamṭhiam in namchan in
thil a timi paoh cu sifahnak an tong
hrimhrim ve ko lai.
6Lihchim in hmuhmi chawva cu
a zuangmi
tikhu le thihnak rap an si.
7Miṭhalo cu anmah nih an tuahmi
zaang-ennak chung lila ah khan
an i foih,
zeicahtiah a dingmi thil tuah kha
an duh lo.
8A sualmi nih cun lam kawi
kha an zulh,
sihmanhsehlaw a sual lomi nih cun
a hmaanmi kha an tuah.
9Mi phunzai nupi he innpi i
hrawm nakcun,
inncung a ken ken khatte i um
a ṭha deuh.
10Miṭhalo nih cun ṭhat lonak kha
a duh zungzal ko,
A innpa cungah
zaangfahnak a ngei lo.
11Miporhlaw cu dantat a si tikah
mihrut kha an lung a fim,
Mifim cu cawnpiak an si tikah,
hngalhnak kha an i chap.
12Miding mi nih cun miṭhalo mi nih zei
an ruah le zei nih dah an tluknak
kha a chuahter ti kha
an hngalh.
13Misifak hna an au tikah
a hna aa chehmi cu,
amah a au ve tikah ahohmanh nih
an theihpiak ve lai lo.
14A thli tein pekmi laksawng nih
thinhunnak kha a damter,
puan tangin pekmi nawhthuh nih
thinlinhnak ṭhawngpi kha
a daihter.
15Bia cu ding tein ceih a si tikah
miding mi hna caah lawmhnak a si,
sihmanhsehlaw thil ṭhalo tuahtu
hna caah cun vansang
auhnak a si.
16Hngalhthiamnak lam zul loin a pialmi
cu thihnak nih a bawh ko.
17Nuamhnak a duhmi cu
misifak a si lai,
zu le sa a duhmi cu a rum bal lai lo.
18Miṭhalo nih miṭha hna cungah
temhnak tlunter an timhmi kha,
anmah cung lila ah an tlunter tawn.
19Nu phunciar sik duh he um nakcun,
thetse ram i va um ziar khi a ṭha deuh.
20Mifim umnak ah cun ro le rah
kha a tang,
sihmanhsehlaw mihrut nih cun
nih cun a sawksam dih.
21Dinnak le zaangfahnak
zulh aa zuammi nih cun
Nunnak le upatnak a hmuh lai.
22A fimmi ralbawi nih cun
miṭhawng hna
khuapi kha a lak khawh i
An i bochanmi ralhruang kha
a chimh khawh.
23A ka le a lei aa veng khomi cu
harnak chungin aa veng khomi a si.
24Aa porhlaw i a ruam a kai i
ninghngal in mi zei ah a rel lomi cu
a min ah “Nihsawhtu” ti a si.
25Rianṭuan zuam loin
a ummi mithathu
cu amahle amah kha aa that ko.
26Chun nitlak in a ruahmi cu
zei khi dah hei ngei ning law
ti lawng khi a si ko.
Sihmanhsehlaw miding nih cun
mi kha a pek hna i
sianh loin a um hna lo.
27Miṭhalo raithawinak cu Bawipa, caah
fihnung a si,
Tinhmi ṭhalo he a rak put ahcun
zeitluk in dik fihnung
a si chinchin.
28Tehte deu cu a rawk lai,
Sihmanhsehlaw thil ṭha tein
a ruat dildelmi
pa bia cu cohlanpiak a si lai.
29Miṭhalo nih cun miralṭha hmai
aa putter,
Sihmanhsehlaw miding nih cun
cun amah le amah kha
aa zum ko.
30Fimnak siseh, hngalhnak siseh,
chunglei thil purh
khawhnak siseh,
Bawipa hmaiah cun zeihmanh an si lo.
31Raltuknak ni caah rangtum
cu timh a si,
Sihmanhsehlaw teinak cu Bawipa
sinin a rami a si.
Currently Selected:
PHUNGTHLUKBIA 21: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
