PHUNGTHLUKBIA 19
19
1Lungthin a ṭhami misifak cu
hrokhrawl in bia a chimmi
mirum nakin a ṭha deuh.
2Hngalhnak um ṭung lo duhnak
lawng hi a ṭha lo,
Namhnaw in a kalmi nih a lam kha
a thlau tawn.
3Minung cu a hruhnak nih khan
rawhnak ah a phakter i
Cu tikah Bawipa cungah khan a lung
chungin a thin a hung.
4Rumnak nih hawi thar tampi
a chuahpi,
Sihmanhsehlaw misifak cu a hawi cia
nih khan an chuahtak.
5A dinglo tehte cu dantat loin
a luat lai lo,
Lih a chimtu cu a luat ve lai lo.
6Mi tampi nih mi lian he hawikom
sinak kha an kawl,
Laksawng a pe lengmang tu caah cun
aho paoh hawikom an si ko.
7Misifak cu a unau vialte nih
an huat tawn,
Zeitluk in dah a hawile chinchin nih
cun hrial loin an um lai.
8Fimnak ngeih hi mah le mah dawt
a si,
Cun na hngalhmi kha
i chingchiah law
khuaawng na tong lai.
9A dinglo tehte cu dantat loin
a luat lai lo,
Lih lawng a chim lengmangmi cu
a rawk lai.
10Mihrut cu nunnuam in um awkah
aa tlak lo,
Sal nih bawi uk cu aa tlak lo chinchin.
11Lungsau thinfual hi fim a si,
Palhnak i hmaimilh cio hi minung
sunparnak a si.
12Siangpahrang thinhunnak cu
chiandeih ngur bantuk a si,
Sihmanhsehlaw a duhdawtnak cu ram
cung i a tlami dap bantuk a si.
13Fapa hrut nih a pa cu rawhnak ah
a phakpi,
Nupi phunzai cu ruah-it khuachiat
bantuk a si.
14Inn le chawva cu pale sinin
hmuhmi ro an si,
Sihmanhsehlaw nupi fim cu Bawipa sinin
hmuhmi laksawng a si.
15Thathutnak nih mitkuh thu chungah
a paih tawn hna,
Mithathu cu rawlṭamnak a ing lai.
16Nawlbia kha zul hna law sau deuh
na nung lai, zeirello in um hna law
na thi lai.
17Misifak cungah zaangfahnak
na ngeih ahcun Bawipa kha
chaw na coih bantuk a si.
Bawipa nih tling tein an cham lai.
18Na fale cu an no rih lioah
chimhring hna,
cu ti na tuah lo ahcun
an rawhnak dingah
na bawmh hna a si.
19Minung cu a ingchiatnak nih khan
dantatnak a inter tawn,
harnak chungin voi khat na chuahter
zongah, na tuah ṭhan a hau
ṭhiamṭhiam ko lai.
20Lungthin cheuhnak le cawnpiaknak
kha ngai tuah,
ni khatkhat cu na fim ve te ko lai.
21Minung lung chungah khuakhannak
tampi a um ko lai,
sihmanhsehlaw Pathian tinhmi lawng
kha a hmun lai.
22Hakkauh hi ningzahnak a si,
misifak si hi lihchimmi sinak in
a ṭha deuh.
23 Bawipa ṭihnak hi nunnak a si,
cuti in na um ahcun, hnangam tein na
um lai i harnak nih an tawng lai lo.
24Mithathu nih cun a kut kha kheng
chungah hnim i a kaa i hun i tuh
hmanh kha a zuam lo.
25Miporhlaw cu na velh ahcun mihrut
bantukin an huat lai,
hngalhthiamnak a ngeimi tu cu
chimhring law na duhnak kha
a hngalh lai.
26A pa kha a vel i a nu kha a dawimi cu,
ningzahnak a chuahtertu le
hmaichiatnak a phortu a si.
27Ka fapa, cawnnak kha na ngol ahcun
na hngalh ciami kha na philh zau
ko lai.
28Tehte ṭhalo nih biading kha zei ah
a rel lo,
miṭhalo mi hna bia nih ṭhat lonak kha
a chuahter.
29Miporhlaw mi hna caah fungfek cu
chiah cia a si ko i
Mihrut hna keng caah tuknak cu
timhcia a si ko.
Currently Selected:
PHUNGTHLUKBIA 19: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
