MIKAH 5
5
1Jerusalem khuami hna, kulhnak
vampang phen ah khan i thup u,
Nannih cu an in kulh cang hna;
Israel uktu cu a bel ah fung in
an tuk lai.
2Sihmanhsehlaw Bethlehem Efrath,
nangmah cu Judah ram chungah
a hme bik khua hna lakah
naa tel ve nain,
Nangmah chungin Israel uktu
a chuak lai.
Amah a hram cu kan hnuleipi caan,
a luan cangmi caan chungah khan
a um cangmi a si. #Mat 2.6; Jhn 7.42
3Cucaah nu nih nau nganfah a in
chung caan lawng kha Bawipa nih
Israel cu a kaltak lai i,
A miphun chungmi sal i a tangmi
hna kha an unaule he cun
an i fon ṭhan lai.
4Amah cu a hung chuah tikah Bawipa
ṭhawnnak thawngin le Bawipa a
Pathian min lianngan thawngin
Annih cu tuukhal bantukin
a khalh hna lai.
A lianhngannak nih khan vawlei
deng tiang a phak lai caah
annih cu him tein khua an sa lai,
5Amah cu daihnak mi a si lai.
Assiria mi cu kan ram chung i
an rung luh tikah le
Kan ralhau hna kha an baoh khawh
hna tikah,
Anmah dohtu dingah kan hruaitu
a ṭhawng bikbik kha
kan thlah hna lai.
6Annih nih an vainam in Assiria
ram cu an tei lai.
Assiria mi nih kan ram cu
an hung chim tikah kannih cu
an kan khamh lai. #Gen 10.8-11
7Israel mi chungin a tangmi hna cu,
Bawipa sinin a rung tlami dap le
ramhring cung i a rung surmi
ruahpi bantuk an si lai;
Annih nih cun minung kha
i bochan loin Pathian kha
an i bochan lai.
8Israel mi a cheukhat cu miphun hna
lakah khan,
Tu chung le phong i rawl a kawlmi
chiandeih bantukin an si lai;
Tuurun lak i thlahmi chiandeih no
bantuk an si lai.
An lakah khan a vung lut i a nam
hna i a thleh a bauh dih hna i
anmah chanhtu ding
ahohmanh an um lo.
9Israel nih cun a ral kha a tei dih hna
lai i a hrawh dih hna lai.
10Khi ni ah cun nan rangtum vialte
hna le nan rangleng vialte hna cu
ka hrawh dih hna lai.
11Nan ram chung khua cu ka hrawh
dih hna lai i nan ralhau cu
ka chimh dih hna lai.
12Nan eihthiam vialte kha ka hrawh dih
hna lai i nan lakah camhthiam
kha an um ti lai lo.
13Nan ram chung i nan siasal hna le
nan tung thiang hna kha
ka hrawh dih hna lai;
Nanmah nih nan kut in nan
serchommi thil hna hmaiah khan
hmaizahnak in nan kun ti lai lo.
14Nan ram chung i tungthiang#5.14 tx tungthiang — Hebru holh cun Asherim ti a si i an khuazing min a si. hna
kha ka hau dih hna lai i,
Thisen aa nehmi nan biakṭheng
hna kha ka hrawh dih hna lai.
15Ka thinhun le ka thinlinh in, ka nawl
a ngai lomi miphun vialte cu
phu ka hlam dih hna lai.
Currently Selected:
MIKAH 5: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
