JOSHUA 16
16
Efraim le Manasseh Comi Ram
1Josef tefa hna vo cu Jeriko pawng Jordan tiva Jeriko tiput hna nichuahlei kap in aa thawk i ramlak ah a lut i Jeriko in Bethel tlangram ah a hung kai; 2cun Bethel in Luz ah a kal i Arki mi ram Ataroth ah a lan; 3cun nitlaklei ah Jaflet mi hna ram ah a vung kal, thlanglei Beth-horon ram tiang; cun Gezer ah a phan i rili ah a dong.
4Josef mi Manasseh le Efraim nih an vo ding kha an co.
5An innchungkhar ning cio ah, Efraim mi hna ram cu a tanglei bangin a si: nichuahlei kamah an vo ramri cu Ataroth-addar, chaklei Beth-horon tiang, 6cun ramri cu khika in rili ah a vung kal; chaklei ah ramri cu Mikmethath a si; cun nichuahlei ah ramri cu Taanath-shiloh lei ah aa kuai i a hei lonh i nichuahlei ah Janoah ah a kal, 7cun Janoah in Ataroth le Naarah tiang a vung kal, Jeriko kha a hei pal pah i Jordan ah a dong. 8Tappuah in ramri cu nitlaklei ah a kal i Kanah tivate a phan i rili ah a dong. Cu bantukin Efraim mi hna nih an innchungkhar ning cio in an comi ram cu a si; 9Manasseh ram chung i Efraim mi hna caah an chiahmi khua hna, cu khua vialte hna le an khuate hna he cun tiah. 10Sihmanhsehlaw Gezer i a ummi Kanaan mi kha cu an dawi hna lo; cu caah nihin tiangin Kanaan mi hna cu Efraim mi hna lakah an um, sihmanhsehlaw hnekmi rian ṭuan awkah sal ah an cang cang. #Biac 1.29
Currently Selected:
JOSHUA 16: HCL06
Highlight
Share
Compare
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
