JOB 14
14
Job Nih A Nun Chung Caan Tawite Kong Kha A Ruat
1“Nu hrinmi minung paoh cu
a chan a tawi i harnak
in a khat.
2Pangpar bangin a hung par i
a uai ṭhan ko;
Thladem bangin a tli i aa peh lo.
3Cu bantuk mi cungah cun maw na mit
na chiah i nangmah he biaceihnak
ah na luhpi?
4Cu bantukin a thiang lomi minung
chung cun a thiangmi
zeihmanh a chuak kho bal lai lo.
5A ni hna cu relpiak an si i
A thla hna cu zeizat an si kha
nangmah nih na hngalh;
Nangmah nih a lonh khawh lomi
ramri kha na serpiak.
6Amah cu mertak ko law amah um
tein umter ko,
Kuli ṭuanmi bantukin a ni hna cu
aa nuamhpi khawh ah i nuamhpi
ko seh.
7“Thing caah cun ruahchannak a um,
Hau a si hmanh ah, a corh ṭhan lai i
a nge hna cu an dong lai lo.
8Vawlei chungah a hram cu tar in
vawlei ah a hmui cu thi
hmanh seh law,
9Ti rim a theih cangka a corh ṭhan lai i
thing langno bantukin a nge
an borh ṭhan ko lai.
10Sihmanhsehlaw minung cu a thi i
an vui,
Mi nih cun a thaw hmanung bik
a chuah i khuazei ah dah a um ti.
11Ti cu tili chungin a kao bantuk le
tiva cu a reu i a car bantukin,
12Minung cu a it i a tho ṭhan ti lo,
Van hna khi an um ti lo hlan lo cu
aa ṭhang lai lo.#14.12 Ahme 14 in hun ṭhial mi a si.
Mi cu a thih ahcun a nung ṭhan kho lai maw?
Aa hngilhnak in aa hlau bal ti lai lo.
13Pathian, Sheol ah khin ka thup law
ka duh;
Na thinhunnak a daih tiangin
ka thup tuah,
Khika ah cu tiangin na um lai tiah
caan ka khiahpiak law
Cun ka hngal ṭhan te tuah!
14Cucaah ka rian cu zeitluk in a sau
hmanh ah ka lung a dong lai lo i
Ka luatnak ding cu ka rak hngah
ṭhiuṭheo ko lai.
15Na ka auh lai i kan leh lai,
na kut tuahmi thil cu,
hmuh na ka duh lai.
16Khi tikah ka kekar cu na rel hna lai i
Ka sualnak cu na ngia peng ti lai lo;
17Ka phungbuarnak cu zal chungah
khumh an si lai i
Ka ṭhat lonak cu nangmah nih
na khuh hna lai.
18“Sihmanhsehlaw tlang cu an cim i
an ril dih,
Lungpi cu a umnak hmun khan
ṭhial a si;
19Ti nih lung cu an ziah hna i vawlei
ṭha cu tihrang nih a fenh hna,
Cu bantuk cun minung ruahchannak
cu na hrawh.
20Amah cu a zungzal in na tei i
a lo dai ko;
A muihmai kha na thlen i
na kalter diam.
21A fapa hna nih upatnak an hun hmu,
asinain a hngal lo;
Annih cu ṭhumh an rung si,
sihmanhsehlaw a hngal hlei lo.
22Amah pum fahnak lawng kha
aa hngal i amah lawng kha
aa ṭah ko,” tiah a ti.
Currently Selected:
JOB 14: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
