JOB 13
13
Job Nih A Sual Lonak Kha A Chim
1“Zohhmanh, ka mit in mah vialte
hi ka hmuh cang hna i
Ka hna in ka theih hna i ka hngalh hna.
2Nanmah nih nan hngalhmi cu
kei zong nih ka hngalh ve ko,
Zeihmanh ah nanmah tluk ka si lonak
a um lo.
3Sihmanhsehlaw bia i ruah ṭi ka duhmi
cu nanmah he si loin
Lianngan Bik kha a si,
Pathian he cun ka kong hi i al ka duh.
4Nannih nih biatak cu lih in a lenglei
kha nan nalh tawn,
Nannih cu nan dihlak in lih ṭawn
hmangmi nan si.
5Dai ziar in um u law ka hei duh dah,
mah cucu nan fimnak a si hnga!
6Ka ruahnak kalning hi thei u law
Ka hmur nih a chimmi nawlnak
bia hi ngai tuah u.
7Zeicahdah lih nan chim?
Nan lih chimmi nih cun Pathian cu
a bawmh lai tiah nan ruah maw?
8Pathian cu a tuah ding kha nanmah
nih maw nan tuahpiak lai i
A bia cu nanmah nih maw
nan chimrelpiak lai?
9Nannih kha an zoh hna tikah,
a ṭha in an hmu hna lai maw?
Mi nan hlen hna bantukin amah cu
nan hlen lai maw?
10Nannih nih a thli tein duhdanhnak
kha nan ngeih ahcun
an sik hrimhrim hna lai.
11A lianhngannak nih khan nan thin
an phanter hna lo maw?
Amah ṭihnak nih cun an tlunhnawh
hna lo maw?
12Nan phungthlukbia hna cu vutcam
phungthlukbia an si,
Nan i runvennak hna cu tlak
runvennak men an si.
13“Dai tein um u law ka chim ve lai,
zei khom hmanh ka cungah
tlung ai kun.
14Ka sa cu ka ha in kaa seh lai i
ka nunnak cu ka kut in
kaa put lai.
15Ruahchannak zeihmanh ka ngei ti lo,
cucaah Pathian nih a ka thah zong
ah zeidah a poi?
A hmai hrimhrim ah ka bia cu
ka va chim ṭhiamṭhiam ko lai.
16Pathian zei ah a rel lomi cu a hmaiah
an chuak ngam lai lo, ti tal hi cu
ka khamhnak a si ṭheo lai.
17Ka bia cu ṭhate in ngai hna u law,
Ka fianternak bia hi nan hna
chungah um hna seh.
18Mah hihi fiang tein hngal tuah u:
ka bia cu ka chim hnu hnuah cun
ka luat lai ti kha ka hngalh ko.
19Pathian, nangmah maw a ra lai i
sual a ka phaw lai?
Cu ti na tuah a si ahcun, kei cu
dai tein ka um lai i ka thi ko lai.
20Thil pahnih lawnglawng hal kan duh,
Na ka pek dingah cun na hmai in
kaa thup lai lo:
21Ka sin hin na kut cu la ṭhan law
Na ṭihnunnak nih hin ka thin
ka phanter hlah seh.
22Cun ka au law, kan leh lai,
Asiloah, bia ka chimter law,
nang nih ka let.
23Ṭhat lonak le sualnak hna hi,
zeizat hi dah nangmah tuahmi
an si, ti ka si?
Ka phungbuarnak le ka sualnak cu
ka hngalhter ko hna.
24Zeicahdah na hmai kha na thuh i
kei cu na ral ah na ka rel?
25Thli nih a choihmi thinghnah cu
na dawi lai maw?
Favai ro tah na dawi lai maw?
26Nangmah nih ka dantatnak ding cu
na ṭial hna i
Ka tlanval lio ka ṭhat lonak rocotu ah
khan na ka ser.
27Ka ke ah hreng na khenh hna i
ka lam cu na cawngh dih hna;
Ka keneh hmanh kha ṭha tein
na ngiat hna. #Job 33.11
28Amah cu a ropmi saphaw bantuk,
Rungrul nih a eimi puan bantuk a si.
Currently Selected:
JOB 13: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
