JEREMIAH 47
47
Filistin Mi Kong Bia
1Faro nih Gaza a tuk hlanah, Filistin mi hna kong ah Bawipa bia profet Jeremiah sinah a phanmi cu hihi a si: #Isa 14.29-31; Eze 25.15-17; Joe 3.4-8; Amo 1.6-8; Zef 2.4-7; Zek 9.5-7
2 Bawipa nih hi bangin a ti:
Zohhmanh chaklei in ti a rung lian
lai i a kawr khat in a liam dih lai,
Ram le a chung i a ummi thil vialte
kha a phum dih hna lai.
Khuapi i hna le a chung i a ummi
minung hna zong.
Mi cu an ai an kiao lai i
cu ram i a ummi vialte hna cu
an ṭap dih lai.
3An rangtum hna tin khawn thawng
cu ngai hmanh!
An rangleng hna an rung choi
cukmak thawng le an rangleng
ke rilh thawng cu!
Pale nih an fale caah zeihmanh
an ruat kho ti lo;
An kut nih zeihmanh a tuah kho ti lo.
4Zeicahtiah Filistin mi vialte hna
hrawhnak ni cu a phan cang i
Khuavengtu ralkap an dih
cikcek tiangin
Tair le Sidon cu hrawh an si lai.
Kaftor tikulh in a rami Filistin mi
hna cu
Bawipa nih a hrawh hna lai.
5Gaza cu kawng lakin meh a si cang,
Ashkelon cu a rawk cang.
Filistin mi a tangmi hna cu zei can
dah an ṭah lai?
6Nannih nih, ‘Bawipa vainam, zei can
dah na kan sam len ko rih lai?
Na kawng ah vaa sawh law khika ah
vaa din ko!’ nan ti.
7Sihmanhsehlaw zeitindah rianṭuan
awk ka pek tikah hin aa dinh
khawh lai?
Amah cu Ashkelon khua i a ummi
hna le rili kam i a ummi hna kha
tuk awkah nawl ka pek cang,
tiah a ti.
Currently Selected:
JEREMIAH 47: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
