EZEKIEL 9
9
Jerusalem Dan A Tat
1A thang ngaimi aw thawng pakhat kha ka theih i, “Khuapi kha hrawh awkah thiahmi cu an hriamnam cio kha i put in an ra khih,” tiah a ti. 2Cun cunglei chaklei kutka hei fuhnak lam khan mi paruk an rat kha ka hmuh, raldohnak hreitlung an i put cio i anmah lak i pakhat cu puan hmangṭhia aa aih i a tai ah cafung le cahang kha a ngei; cun dar biakṭheng pawngah khan an dir. 3Cun cherubim cung khan Israel Pathian sunparnak cu a tho. Biakinn tual ah khan a ra i puan hmangṭhia aa aih i a tai ah cafung le cahang a ngeimipa kha a kawh i, 4“Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a ṭapmi hna le a ngaih a chiami hna kha an cal ah hmelchunhnak va khenh hna, tiah Bawipa nih a ti,” tiah a ti. #Biat 7.3; 9.4; 14.1 5Cun a dang hna cu, “Khua chungah khan zul u law zaangfahnak um loin that hna u, ngan hna hlah u. 6An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk. 7“Biakinn kha thurter u, a tual kha miruak in khahter dih u law cun khua chungah va kal u law va that hna u,” tiah a ti.
8Annih nih an rian an ṭuan lioah khan keimah lawng cu ka um i khi tikah ka bawk i, “Maw Bawipa Pathian, Israel mi a tangmi vialte hi na thah dih hna lai maw? Jerusalem khua cungah na thinhunnak cu na bungh ko lai maw?,” tiah ka au. 9Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah. 10Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti. 11Cun puan hmangṭhia aa aih i a tai i cafung le cahang a ngeimipa nih khan a tuahmi cu a hung chim i, “Nangmah nih nawl na ka pekmi kha ka tuah dih cang,” tiah a ti.
Currently Selected:
EZEKIEL 9: HCL06
Highlight
Copy
Compare
Share
Want to have your highlights saved across all your devices? Sign up or sign in
<p>Lai (Hakha) Common Language Bible © Bible Society of Myanmar 2006</p>
Learn More About Lai (Hakha) Common Language Bible 2006
