EZEKIEL 10
10
Pathian Sunparnak Nih Jerusalem A Kaltak
1Cun cherubim hna lu cung i a ummi cungkhuh cungah khan safaiar lungvar bawiṭhutdan bantuk a hung langmi kha ka hmuh. #Eze 1.26; Biat 4.2 2Bawipa nih puan hmangṭhia aa aihmipa kha, “Cherubim hna tang i aa mer lengmangmi lengkekual hna karlak ah khan ra law cherubim hna lak i a ummi meiṭil kha na kut khat in i lak hna law khuapi cungah khan hlonh tuah hna,” tiah a ti. Cucaah ka mithmuh te ah khan a kal. #Biat 8.5
3Cun mipa cu a vung luh tikah cherubim cu biakinn orhlei kamah khan an dir i chungchin tual cu minmei nih a zelh. 4Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh. 5Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang. 6Cun puan hmangṭhia aa aihmi cu, aa mer lengmangmi leng kekual hna karlak le cherubim hna lak i a ummi meiṭil kha lak a fial i 7mipa cu a ra i lengkekual pakhat pawngah cun a dir. Cun cherubim hna lak i cherub pakhat nih cun anmah lak i a ummi mei cu a hei banh i tlawmpal cu a lak hna hnuah puan hmangṭhia aa aih mipa kha a pek; cun mipa nih cun aa lak hna i a chuak.
8Cherubim hna thla tangah cun minung kut a lomi kha a hung lang. 9Cherub pakhat sir ah pakhat lengmang in, cherubim hna sir ah cun lengkekual pali ka hmuh hna. #Eze 1.15-21 10Topaz lungvar bantukin an cer i an palite cun an i lo dih, lengkekual pakhat chung i a kekual chin bantuk khin. 11Cherubim hna cu kehlei ah siseh, orhlei ah siseh, hnulei ah siseh, hmailei ah siseh, an kal tikah i mer lo tein an kal; an lu an hoihnak lei paoh ah khan i mer lo tein an kal. 12An pum cu a dihlak in, an keng he an kut he an thla he mit an khat dih, an palite cun, lengkekual zong kha mit an khat dih. #Biat 4.8 13-14Leng kekual aa mer thawng cu ka hna chungah a hung thang. Pakhat nih hmai pali cio an ngei; pakhatnak cu cherub hmai bantuk a si, pahnihnak cu mi hmai bantuk a si, pathumnak cu chiandeih hmai bantuk a si, palinak cu mupi hmai bantuk a si. #Eze 1.10; Biat 4.7
15Cun cherubim cu an hung tho i annih cu Khebar tiva pawng i ka hmuhmi thilnung hna kha an si ko. 16Cherubim cu an kal tikah an sir in lengkekual kha an kal ve; cherubim hna nih an thla an samh i vawlei in an thawh tik hmanh ah lengkekual cu a pingah an ril lo. 17Cherub pakhat a dir tikah khan a pawng i lengkekual pakhat zong kha a dir ve i cherub a thawh tikah khan lengkekual pakhat zong kha a rak tho ve; zeicahtiah thilnung hna thlarau cu lengkekual chungah khan a um. 18Khi tikah Bawipa sunparnak cu biakinn tual khan a chuak i cherubim hna cungah khan a dir. 19Cherubim hna nih cun an thla kha an samh hna i vawlei khan an tho; an sir i lengkekual hna he an kal kha ka zoh ko hna. Bawipa inn nichuahlei kutka ah khan an dir i Israel Pathian sunparnak cu an cungah khan a um.
20Israel Pathian tangah, Khebar tiva ah ka hmuhmi hna thilnung cu hi hna hi an si, annih cu cherubim an si kha ka hngalh. 21Hmai pali le thla pali an ngei cio hna i an thla tangah minung kut bantuk kha an um cio. 22An hmai cu Khebar tiva pawngah langhnak in ka hmuhmi bantuk kha an si; an dihlak te cun hmailei ah ding tein an kal cio.
Currently Selected:
EZEKIEL 10: HCL06
Highlight
Copy
Compare
Share
Want to have your highlights saved across all your devices? Sign up or sign in
<p>Lai (Hakha) Common Language Bible © Bible Society of Myanmar 2006</p>
Learn More About Lai (Hakha) Common Language Bible 2006
