EZEKIEL 25
25
1Mah hihi Bawipa nih ka sinah a chimmi bia an si: #Jer 49.1-6; Eze 21.28-32; Amo 1.13-15; Zef 2.8-11 2A ka thawh i, “Mipa, Ammon mi hna lei khi hei zoh law Bawipa Pathian bia hi ngai tuah. 3A bia cu hihi a si: ‘Nannih nih ka hmunthiang kha thurhhnawmh a si i Israel vawlei kha a rawk i Judah mi nih sal taannak chungah an kal kha nan hmuh tikah, “Va cei hna seh,” nan ti caah, 4nannih cu nichuahlei miphun sinah kan chanh hna lai. Nan lakah an riahbuk kha an sak hna lai i an umnak hmun kha an khuar hna lai; nan rawl kha an ei lai i nan cawhnuk kha an din lai. 5Rabbah cu kalauk tlonnak hmun ah ka ser lai i Ammon cu tuu chiahnak kiam ah ka ser lai. Cuticun keimah cu Bawipa ka si kha nan hngalh lai. 6Bawipa Pathian bia cu hihi a si: Nannih nih nan kut nan i bengh i nan ke nan tengh i Israel ram cu lungkhat tein nan serhsat i a cungah nan i hlorh caah, 7nan cungah ka kut ka samh lai i nannih cu miphun hna hazawh ah kan ser hna lai i miphun dang hna sin khan kan ṭhen hna lai; khuazeika ram hmanh ah nannih cu kan hloh hna lai i nan cungah rawhnak ka tlunter lai. Cuticun keimah cu Bawipa ka si kha nan hngalh lai, tiah a ti.
8“Mah hihi Bawipa Pathian bia an si: Moab nih aa thawh i, ‘Judah cu midang bantuk cio a si ko,’ a ti, cu caah Moab cu #Isa 15.1—16.14; 25.10-12; Jer 48.1-47; Amo 2.1-3; Zef 2.8-11 9a ral khamnak kha khattelei kam in khattelei kam tiang ka hun hna lai i a khua kha ka langhter hna lai — a khua dawh bikbik hna Bethjeshimoth le Baal-meon le Kiriathaim hna cu. 10Moab le Ammon cu hmunkhat ah nichuahlei miphun sinah ka chanh hna lai i Ammon mi cu miphun hna lakah hngalh an si ti lai lo i 11Moab cungah cun biaceihnak ka tuah lai. Cuticun Bawipa ka si kha an hngalh lai,’ tiah a ti.
12Bawipa Pathian bia cu hihi an si: Edom nih timh ciammam tein Judah cungah phu a hlam caah zungzal a hmunmi mawhchiatnak kha a hmuh, #Isa 34.5-17; 63.1-6; Jer 49.7-22; Eze 35.1-15; Amo 1.11-12; Oba 1-14; Mal 1.2-5 13cucaah Edom cungah cun ka kut ka samh lai i a chung i a ummi minung si hna seh, saram si hna seh, ka hrawh hna lai, tiah Bawipa nih a ti; cu ram cu Teman in Dedan tiang ka hrawh cikcek lai i vainam in thah an si lai. 14Edom cung i phuhlamnak cu ka mi Israel mi hna thawngin ka tuah lai. Ka thinhunnak le ka thinlinhnak nih a fial hna bantukin Edom cungah cun an tuah lai, tiah Bawipa Pathian nih a ti.
15Mah hihi Bawipa Pathian bia a si: Filistin mi hna nih timh ciammam tein phuhlamnak kha an tuah i lungkhat tein serhsatnak in teirul an cham hna i chan tampi an rak i huatnak kha i hrawhnak caah an hman caah #Isa 14.29-31; Jer 47.1-7; Joe 3.4-8; Amo 1.6-8; Zef 2.4-7; Zek 9.5-7 16Filistin mi hna cungah ka kut ka samh lai, tiah Bawipa nih a ti; Kereth mi cu ka hloh hna lai i rili kam i a ummi a dang vialte cu ka hrawh hna lai. 17Ṭih a nungmi teirulchamnak kha an cungah ka tuah lai i ka thinhun in dan ka tat hna lai. Teirul ka cham hna tikah keimah cu Bawipa ka si kha an hngalh lai, tiah a ti.
Currently Selected:
EZEKIEL 25: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
