EZEKIEL 24
24
Cirik A Kaimi Um
(Jer 1.13-14)
1Sal kan tan kum kua kum thla hra thla ni hra ni ah Bawipa nih ka sinah a chimmi bia cu hihi a si. 2A ka thawh i, “Mipa, hi ni, hi ni hrimhrim hi a min ṭial tuah: Hi ni hi Babilon siangpahrang nih Jerusalem a dum ni a si, tiin. #2Sia 25.1; Jer 52.4 3Hi ral thawh hmangmi hna hi hla phuah hna law annih cu, hihi Bawipa bia cu an si tiah chim hna:
Mei cungah um nganpi kha
khing tuah,
Khing law a chungah ti toih tuah;
4A chungah sazam kha sanh hna,
sazam a ṭha bikbik hna kha
sanh hna.
A ke le a liang le a ruh a ṭha bikbik
kha a benh in benh hna;
5Tuurun chungin a ṭha bikbik kha
la hna.
A toiah a velchum in thing kha
tih hna;
Tlok hluahmah in chum law a chung i
saruh hna cu cuar hna.
6Maw thisen in a luangmi khuapi,
A thian in a thiang kho lomi cirik nih
a eimi um!
Cucaah Bawipa Pathian bia cu
hihi a si:
A chung i sazam kha,
An caah camcawh fung zuh
si hna hlah hmanh seh law
zam khat hnu zam khat
in thur hna.
7Khuapi chungah thisen
an chuahmi cu cu khua laifang
ah cun a um ko rih i
Cu thisen cu lung cungah khan
an thlet,
Leidip tal nih khuh seh tiin vawlei
hmanh ah khan an thle lo.
8Ka thinhunnak kha a alh nakhnga le
phu kha ka hlam hna nakhnga,
Thisen cu zeihmanh nih khuh
lo dingin,
Kei zong nih a romi lung cungah
khan ka thlet ve, a ti.
9Cucaah Bawipa Pathian bia cu
hihi a si:
Maw thisen in a luangmi khuapi,
Kei zong nih mei khor nganpi pakhat
ka ser lai.
10A chung khat in thing ka tih lai i
mei ka kau lai.
Sa cu hmin tein ka chuan lai,
A hang vialte kha a ruh he ka thlet
dih hna lai.
11Cun um cu a lawngin mei cungah cun ka toh lai,
A dar cu a linh tuk ah a sen dih lai i,
A chung i a ummi hnawm vialte
an ti dih lai i cirik vialte cu a kangh
dih hna lai.
12I zuam len hmanh law a cirik kha
a chah tuk caah a kok kho bal lai lo;
Mei lawnglawng nih an khawhpiak
khawh lai.
13Cu bantukin na zuanzam
thurhhnawmhnak in
kan thianh tik hmanh ah cun
na thiang rih lo,
Cucaah na cung i ka thinhunnak
ka tlinter cikcek hlantiang cu
na thiang bal lai lo, a ti.
14“Bawipa nih ka chim cang; a caan cu a ra lio ko, ka ṭuan lai. Kaa sum lai lo, zaangfahnak zong ka ngei lai lo, a let zong kaa let lai lo; nangmah cu na ziaza le na tuahmi vialte ruangah khan bia kan ceih lai. Mah hihi Bawipa bia hrimhrim a si,” tiah a ti.
15-16Mah hihi Bawipa nih ka sinah a chimmi bia a si. A ka thawh i, “Mipa, na dawt bikmi kha chikkhatte ah kan lakpiak lai, sihmanhsehlaw na ṭap lai lo, na ai lai lo, na mitthli zong na tlakter lai lo. 17Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah,” a ti.
18Zingka ah mizapi sinah cun bia ka chim i cu zanlei hrimhrim ah cun ka nupi cu a thi. 19A thaizing ah cuticun na tuah lai tiah a ka chimh bantuk khan ka tuah. Mizapi nih cun, cu ti ka umtuzia cu an caah a sullam zeidah a si tiah an ka hal. 20Cun ka leh hna i, “Hi hi Bawipa nih a ka chimhmi bia cu an si, ka ti hna. Ka thawh hna i, 21Israel mi cu va chim hna law hihi Bawipa bia a si: Nan i bochanmi nan Biakinn ṭhawnnak cu nan i porhlaw. Nannih nih zoh nan duh ngaingai i a chung i va len kha nan duh; sihmanhsehlaw Bawipa nih a thurter lai. Cun nan fale hna Jerusalem i a tangmi hna kha, ral ah an thi lai. 22Cun keimah nih ka tuahmi kha nan tuah lai, nan hmai kha nan i khuh lai lo i mithi ngaimi nih an ngaihmi rawl kha nan ei lai lo. 23Na lu i khuh loin le na ke lawng in na kal lai lo. Mithi zong na ngai hna in na ṭah hna lai lo. Na sual ruangah na zor thluahmah lai i pakhat le pakhat kha nan i hrumhnawh lai. 24Khi tikah keimah cu nan caah hmelchunhnak ka si lai i ka tuahmi vialte kha nan tuah dih hna lai. Bawipa nih hi thil hi a phanh tikah, keimah cu Bawipa Pathian ka si kha nan hngalh lai, a ti, tiah ka ti hna.
25Cun Bawipa nih a ka thawh i, “Mipa, an i lawmhnak le an sunparnak a simi, zoh an duh ngaingaimi le len an duh ngaingaimi an biakinn kha an sinin ka ṭhial lai, an fapa hna le an fanu hna kha lam hlapi ah ka kalpi hna lai. 26Cucu ka tuah ni ah mi pakhat, rawhralnak in a luatmi kha nan sinah a ra lai i cu kong cu an chimh lai. 27Cun cu ni ṭhiamṭhiam ah cun nan ngeih ti lomi holh khawhnak kha nan ngeih ṭhan lai i anmah he cun bia nan i ruah lai. Cuticun mi hna caah nanmah cu hmelchunhnak nan si lai i keimah cu Bawipa ka si kha an hngalh lai,” a ti.
Currently Selected:
EZEKIEL 24: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
