EZEKIEL 2
2
Cazual Langhnak
1Cun a ka thawh i, “Mipa,#2.1 Hebru holh ah Mi Fapa tiin a si dir tuah, bia kan ruah lai,” tiah a ti. 2Bia a chim lioah cun ka chungah thlarau kha a lut i ka ke in a ka dirter i bia a chimmi cu ka ngaih. 3A ka thawh i, “Mipa, nangmah cu Israel mi hna sinah khan kan thlah lai, annih cu ralthawh hmang miphun, keimah a ka doh tawnmi miphun an si. 4An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungṭhawng le mi lungkhong mi chan a si. 5Cun annih cu na thawh hna i, “Mah hihi Bawipa Pathian bia a si,” na ti hna tikah, annih cu mi doh hmang an si caah annih nih cun an ngai duh theng hnga maw, an ngaih duh ah siseh, an ngaih duh lo ah siseh, an lakah profet pakhat an ngeih kha an hngalh lai. 6Sihmanhsehlaw mipa, annih cu ṭih hna hlah, an chimmi bia zong kha ṭih hlah, nangmah dohtu le miṭhalo si ko hna hmanh seh law ṭih hna hlah, tlangngaikuang cung i a ṭhumi bantuk si hmanh law, ṭih hna hlah. Ral thawh hmangmi si ko hna hmanh seh law an chimmi siseh, an muisam siseh, ṭih awk zeihmanh a um lo. 7Annih cu ral thawh hmangmi an si ko caah hin an ngaih duh zongah an ngaih duh lo zongah ka bia cu na chimh ko hna lai. 8Sihmanhsehlaw mipa, nang tu cu ka bia hi ngai law anmah bantukin ral thawh duhmi si ve hlah. Na kaa kha ang law kan pekmi hi ei tuah,” tiah a ti. 9-10Cun kut pakhat cu keimah leiah a hun i samh kha ka hmuh i cu kut nih cun cazual pakhat aa put. Ka hmaiah cun cazual cu a samh i a kap hnih in aa ṭial dih, mithi ngaihnak hla le ṭahnak hla le ngaihchiatnak bia in aa ṭial dih. #Biat 5.1
Currently Selected:
EZEKIEL 2: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
