ගීතාවලිය 149
149
ගීතාවලිය 149
1 ස්වාමින්වහන්සේට ප්‍රශංසා කරන්න.
විශ්වාසවන්තවූවන්ගේ එකමුතුවේදී උන්වහන්සේගේ ප්‍රශංසාව ද
ස්වාමින්වහන්සේට අලුත් ගීයක් ද ගායනා කරන්න.
2තම මැවුම්කරුවාණන් තුළ ඉශ්‍රායෙල් ප්‍රීති ප්‍රමෝද වෙත්වා;
සියොනෙහි ජනයා තම රජ්ජුරුවන් ගැන සොම්නස් වෙත්වා!
3කිකිණි රබන් ගසා, වීණා වයා උන්වහන්සේට සංගීත නංවමින්,
ඔවුහු නටමින්, උන්වහන්සේගේ නාමයට ප්‍රශංසා කරත්වා!
4මන්ද ස්වාමින්වහන්සේ ස්වකීය ජනයා ගැන ප්‍රමෝද වන සේක;
උන්වහන්සේ යටහතුන් ගැලවීමෙන් සරසවන සේක.
5මෙම ගෞරවයෙන් යුතු ව විශ්වාසිකයෝ ප්‍රීතිමත් වෙත්වා;
තම යහන්වලදී පවා ඔවුහු සතුටින් ගී ගයත්වා.
6ඔවුන්ගේ මුවේ, දෙවියන්වහන්සේගේ උතුම් ප්‍රශංසා ද
ඔවුන්ගේ අත්වල, දෙමුවහත් අසිපත් ද තිබේවා.
7ඒ, ජාතීන්ගෙන් පළිගන්නට ය,
ජනයාට දඬුවම් කරන්නට ය;
8ඔවුන්ගේ රජුන් රැහැන්වලින් බඳින්නට ය,
ඔවුන්ගේ නායකයින් යදමින් බඳින්නට ය;
9ලියා ඇති විනිශ්චයේ තීන්දුව, ක්‍රියාවට නැගීමට ය.
උන්වහන්සේගේ සියලු විශ්වාසිකයින්ගේ තේජස මෙයයි.
ස්වාමින්වහන්සේට ප්‍රශංසා කරන්න.
Currently Selected:
ගීතාවලිය 149: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
