Psalm Late 8
8
Pathian ii Minthanna le Mihing ii Thupina
1 Topa kote ii Topa awng,
na letna sia leitung theampo ah kimu hi!
Hong kipokna vantungte dong theng to hi;
2patangte le nausente in tua lasa uh hi.
Na ngalte ii bangma hong law thei ngawl natu in,
a kip a kho in na om hi.
Nang hong langpan peuma na khaam hi. #Mt 21:16
3Na vawt sa vantung le a omna mun tek ah na koi,
tha le aksite ka et ciang —
4mihingte sia bang hi a,
banghang phawk ni ziam;
a thithei mihingte po
bangbangin thinbot ni ziam? #Job 7:17-18; Ps 144:3; Heb 2:6-8
5Nangma bekma sangin
a niam zawhiat in na vawt a,
minthanna le patoaina na pia hi.
6Na vawt sa na theampo
uk tu in na sep hi;
bitphua sa theampo ii
tungah na koi hi: #1 Cor 15:27; Eph 1:22; Heb 2:8
7tuute, khuite, ngamsate;
8vacimte le ngasate,
tuipi nganhing namcinte
zongh na uksak hi.
9 Topa, kote ii Topa awng,
leitung theampo ah na letna kimu hi!
Currently Selected:
Psalm Late 8: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
