Psalm Late 7
7
Thukhaikim atu Thungetna
1 Topa ka Pathian awng, ka kidal natu in nang kong zuan hi,
kei hong zuizente panin
hong suatak ta'n a,
hong hun ta'n;
2tua ahibuale hong hun thei tu
a om ngawlna munah
tawpi bangin kei hong kai tu a,
tua munah amate in kei hong baltham tu hi.
3-4 Topa ka Pathian awng,
khat pawpo tungah khialin
ka lawm khat theamin
ka zuak zong
tua ahibuale a thu om ngawlin
ka ngal pa tungah ka ngoltol le —
5tuasia ciang, ka ngalte in hong del tahen a hong man tahen,
hong saatvawk tahen a, hong that tahen,
tuaciang ka luanghawm sia lei ah hong nusia tahen.
6 Topa awng, na thin uukna taw
hong tho to ta'n!
ka ngalte thinsona a nalh tu in
nangma hong ding ta'n;
nangma le nangma
hong kithaw ta'n a, hong hu ta'n!
Nong tangkal sia
thutang khenna ahi hi,
7mihingte theampo na kiimkot ah khawmtua in a,
amate ii tungsia panin hong uk ta'n.
8Nangma in minam theampo ii thukhenpa na hi hi.
Topa awng, keima sang pangin thu hong khen ta'n,
kei ka maw ngawl hunlam nong he hi.
9Nangma in a thutang Pathian na hi a,
kote ngaisutna le ka deinate thu nong khen hi.
A ngilote ii seksolnate tawpsakin, miphate thaman pia in. #Tpl 2:23
10Pathian in kei
hong dal pa ahi hi,
ama in a thu a nite hun hi.
11Pathian sia thutang thukhenpa ahi hi,
tuaciang a tawntungin a seksolte a nil hi.
12A kisiik nuam ngawl a om le
Pathian in a namsau
tat hiam tu hi; ama in a thal
keaksa in kinging zo hi;
13a kiitakhuai
a ngalhiamte la zo hi,
a meikuang thaltangte taw
tuung zo hi.
14Mihing seksolte in bangbangin ngitlo tu ngaisun ziam ci sia he in;
ngimna vawt nuam a, leilot thu zangh hi.
15Amate in ngual thaangsia a,
tua thaang sungah amate awk uh hi.
16A ngamtat phat ngawlna teng sia amate tungah tu kik a,
amate ii ngoltolna in amate nasak hi.
17 Topa sia ama thutang ahi hu in lungdam ka ko hi; A Saangbel Pa sia pokna la ka sak tu hi.
Currently Selected:
Psalm Late 7: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
