Psalm Late 28
28
Hu natu Thungetna
1 Topa kei hong hungpa awng, nang kong biakpui hi.
Ka auna hong za ta'n!
Nong zo bua ahile,
kei sia mithi khua a zuan suk te sungah ka kihel tu hi.
2Nang tungah hu ngenin kong au ciang le
na Biakinnpi thiangtho sungah ka khut kong lap ciangin hong za ta'n.
3Mihing seksolte taw hong puavawk heak in,
ngitlo nasep a seamte,
a kam teng taw lawm bang a kithoai ahihang
a thinsung uh ah etsatna a neite taw hong puavawk khawm heak in.
4Amate sep le vawt a ngitlo ngamtatnate hu in daan na pia in.
Amate sepna theampo taw a kilawm in daan na pia in. #Tpl 22:12
5Amate in Topa ii
sep le vawt sate a awlmawk bua uh hi;
tua ahikom amate sia ama in daan pia tu a
a tawntungin a susia tu hi.
6 Topa pokna pia vun;
ama in hu ngen a, ka auna hong za zo hi.
7 Topa in hong dal a hong hung hi; ama ka muang hi.
Ama in huna hong pia a hong lungdamsak hi.
Lungdamna lasa in ama ka pok hi.
8 Topa in ama mite sungsia hi;
ama in a tealsa a kumpipa hungin hun hi.
9 Topa awng, na mite hun in a,
nangma neisate thupha pia in.
Amate ii tuucingpa hi in a,
amate keamcing tawntung in.
Currently Selected:
Psalm Late 28: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
