Psalm Late 29
29
Vuipi Suangval sungah Topa Awnging
1No vantung mite awng;
Topa pok vun,
Ama ii minthanna le vaangletna pok vun.
2A minthang Topa ii
min pok vun a,
Thiangtho Pa hong kilangh
ciangin a mai ah kunsuk vun. #Ps 96:7-9
3 Topa ii awnging sia tuipite tungah kiza hi;
a minthang Pathian in vanto bangin nging a,
ama awnging tuipi lian tungah hawl hi.
4 Topa awnging sia a thahatna le
vaang theampo taw kidim hi.
5 Topa awnging in cedar kungte taltansak hi,
Lebanon mual tungah cedar kungte ngawngawn thiaktan hi.
6Ama in Lebanon mualte sia khuino bangin leang va eetsak a,
Hermon mual sia khuital moi bangin kinuntawsak hi.
7 Topa awnging in khualeng taangkeaksak hi.
8Ama awnging in sennealngam liingsak a,
Kadesh sennealngam sia thing zazaan hi.
9 Topa aw in oak thingkungte ngawksak a,
a teete a kung tung pan thong siat hi,
tua laitakin, a Biakinnpi sung a om theampo in
“Pathian minthang hen” ci in au uh hi.
10 Topa in kumpi a hina taw
tui thukte a tawntungin uk hi.
11 Topa in a mite thahatna pia a,
kilemna thupha zongh pia hi.
Currently Selected:
Psalm Late 29: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
