Psalm Late 146
146
Ngumpa Pathian Pokna
1 Topa pok vun!
Ka thaa awng,
Topa pok in!
2Ka nuntak lai teng
ama ka pok tu hi;
ka khan tawntung ka Pathian
tungah la ka sa tu hi.
3Na muanna uh sia mihing lampuite tungah koi heak vun;
mihing kuama in no hong hun thei ngawl hi.
4Amate a thi ciangin leivui ah cia kik uh hi;
tua ni in amate ngealna theampo bo hi.
5Jacob ii Pathian sia ama ii hupa in a neipa le
Topa sia amate ii Pathian in, a muangte sia mi nuamsate hi a,
6ama sia vantung, leitung le tuipi,
tua teng sung a om theampo a Bitphuapa ahi hi.
Ama in a kamciamte kholet tawntung hi; #Sawl 4:24; 14:15
7Zawthawk a thuakte sangah pangin thukhen a,
a ngilkialte an pia hi.
Topa in thongtaakte suaktasak hi,
8mittawte khua musak hi.
Ama in a puk sate phongto hi;
a thutang ama mite it hi.
9Ih ngam sungah khualmi hong teangte ama in sungsia hi;
ama in meingongte le tangate hu hi,
ahihang a seksolte sia siatcip natu munah then hi.
10 Topa sia a tawntung kumpipa ahi hi.
Zion awng, na Pathian sia hun theampo ah maang tu hi.
Topa pok vun!
Currently Selected:
Psalm Late 146: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
