Psalm Late 147
147
Vaanglianbelpa Pathian Pokna
1 Topa pok vun!
Ih Pathian tungah,
pokna la sak tu pha hi;
ama pok tu sia
nuam a maan hi.
2 Topa in Jerusalem thaksua kik a,
ngamdang ah saltaangte hong ciapui kik hi.
3Ama in thin kitamhte damsak a,
a liammate tuamsak hi.
4Ama in aksite a phakza tu see a,
khat sim a min taw sam hi.
5A lian a thakho sia eite Topa hi;
ama ciimna in
kitee thei ngawl hi.
6Ama in a kiniamkhiak te
laamto a,
ahihang a seksolte
lei ah sucip hi.
7 Topa tungah pokna biakna late sak vun;
Ih Pathian tungah tengtongh taw music tum vun!
8Ama in van ah meeite phalh hi;
ama in leitung atu in nguatui pia a, mualte tungah lopa posak hi.
9Ama in nganhingte an pia a,
va-ak note a au uh ciang anvaak hi.
10Ama ii nuam a sak sia siphu thahatte hi ngawl a,
ama ii dik a sak zongh ngalkap hangte ahi bua hi.
11Ahihang ama in ama a zaktate le
ama ii itna kip a muangte tungah lungkim hi.
12 Topa pok in, Jerusalem awng!
Na Pathian pok in, Zion awng!
13Ama in na kongpite khosak a,
na mite thupha pia hi.
14Na ngamngi uhte bitsak a,
zungtaang phabelte taw hong lungkimsak hi.
15Ama in simleitung ah thupia a,
ama ci babang, a manlang in kiseam hi.
16Ama in vuuk sia puanvan khat taw kibangin phalh a,
thuamluak sia leivui bangin thethaang hi.
17Ama in ngial sia suangpim bangin puak a,
ama puak khuasik sia kuama in a thuak zo bua hi.
18Tuasia ciang ama in thupia a, tuikhalte tuitham hi;
ama in vui vasak a, tui luangsak hi.
19Ama in a mite tungah thupuak a,
lamlaknate le thukhamte Israel te pia hi.
20Ama in minam dangte tungah hi bangin a seam bua hi;
amate in ama thukhamte a he bua uh hi.
Topa pok vun!
Currently Selected:
Psalm Late 147: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
