Psalm Late 140
140
Kidal natu Thungetna
1Mihing tatsiate kung panin hong hun ta'n,
Topa awng,
mihing ngoltolte kung panin hong keamcing ta'n.
2Amate in a tawntungin a sia vawt tu a sawm ku uh a,
kihau thei natu in ngual a hol tawntung uh hi.
3Amate ii leeite sia hong thisak thei ngulte taw kibang a;
amate kammal in ngulsok ii nguu bang ahi hi. #Rom 3:13
4A seksolte thahatna panin hong dal tan Topa awng,
ka puk natu hong sawm ku a ngoltol mite kung panin hong keamcing ta'n.
5Mihing kiphasak te in thaang hong sia hi;
amate in khau thaangte pha in
lamdung ah kei hong mat natu in thaangte keaksa in koi uh hi.
6“Nangma in ka Pathian na hi hi,” Topa tungah ka ci hi.
Topa awng, hu ngen a kong auna hong za ta'n!
7Vaanglianpipa ka Topa awng,
a tha kho kei hong hungpa, nangma in ngal kidona sungah nong dal zo hi.
8 Topa awng, a seksolte ii deite pia heak in;
amate sawmku thute taangtungsak heak in.
9Ka ngalte in hong zosak heak in;
amate ii kei hong tawn nate amate tungah tusak kik in.
10Meikam san vahem te amate tungah taak tahen;
dum sungah amate kilawn suk tahen a,
pusuak ngei nawn heak hen.
11Midangte maw a suan khialte, zawna nga heak hen;
mihing ngoltolte sia siatna in ban tahen a, lalsak tahen.
12 Topa awng, nangma in mizawngte vai le,
a cimawte ii nga tu a kilawm thute ah na panpui sia ka he hi.
13A thutangte in nang hong pok takpi tu hi;
amate sia nangma ii omna munah teang tu uh hi.
Currently Selected:
Psalm Late 140: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
