Psalm Late 141
141
Nitak Thungetna
1Nang kong sam hi, Topa; tu in hong hu ta'n!
Kong sam ciangin
hong ngai ta'n.
2Kong thungetna
a namtui biakpiakna in hong saang ta'n a,
ka khutte kong lapto sia
nitak sangaw biakpiakna khat bangin hong saang ta'n. #Tpl 5:8
3 Topa, ka kam ah a cing tu khat,
ka muk kongkha ah a cing khat koi in.
4A maan ngawl sep nopna le,
mihing tatsiate seksolnate panpui nopna pan hong keam ta'n.
Amate ii anneak poai sungah ka kihel ngei buatu hi.
5Mihing pha khat in deisakna taw hong teih in daan zongh hong pia thei hi,
ahihang mihing ngilote ii upatna ka saang ngei buatu hi,
banghang ziam cile
amate ngamtat siatnate langpanin thu ka ngen tawntung hi.
6Amate a ukte sia
suangliang tung panin a kilotsuk tak ciang
mihingte in ka kammalte sia maan sa tu uh hi.
7A bebek in a ki ektham thing bangin
amate ii ngute sia thaan kiil ah kithethaang tu hi.
8Ahihang nang kong muang tawntung hi,
Vaanglianpipa ka Topa awng.
Nong dalna ka zong hi; Hong thisak heak in!
9Amate ii kei hong siana thaangte panin hong dal ta'n a,
thusia vawtte khauthaang panin hong hung ta'n.
10Kei bangma tat ngawlin ka pai laitakin,
a seksolte sia amate ii thaang sung ma ah awk tahen.
Currently Selected:
Psalm Late 141: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
