Psalm Late 138
138
Lungdamko Thungetna
1 Topa awng, ka thin theampo taw lungdam kong ko hi;
tua pathiante mai ah nangma pokna la kong sak hi.
2A thiangtho na Biakinnpi sang maingatin,
kunin na min kong pok hi,
banghang ziam cile itna kip le
na thumaanna hang ahi hi, na min le na thupiaknate sia a lianbel in nong lak hang hi.
3Kong sam ciangin nong zo kik hi,
na thahatna taw kei nong thakhosak hi.
4 Topa awng, leitung ah kumpi theampo in nang hong pok tu hi,
banghang ziam cile na kamciamte amate in za zo uh hi.
5Amate in na sep na vawt sate le
na minthanna liante huvau in la hong sak tu hi.
6Nang sia tungsang ah, saang mama na hihang,
a kiniamkhiakte na khoi a,
a kiphasakte sia nang kung panin a buu thei bua hi.
7Ngimnate in kei hong uumci ciangin
nangma in nong keamcing hi.
A thin uuk ka ngalte nong dosak a na vaangletna taw kei nong hun hi.
8Na kamciamsa theampo na seam tu hi;
Topa awng, na itna kip tawntung hi.
Na patsa nasep sia a khuangkhim dongin hong seam ta'n.
Currently Selected:
Psalm Late 138: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
