Psalm Late 137
137
Saltaang Israel te Kaana
1Babylon ngunte hui ah ka to uh hi;
tua munah Zion ka phawk uh ciangin ka kap uh hi.
2A nai a om pakngiam kungte tungah
ka tengtonghte uh ka khai uh hi;
3Ko hong pummatte in lasa in hong sawl hi.
Amate ngualnop natu in
“Zion la hong sak tavun” hong ci uh hi.
4Ngual ngam ngual lei ah bangbangin
Topa tungah lasa thei tu khu ziam?
5Jerusalem awng, nang kong mangil le
tengtongh zongh tum thei ngei nawn bua tong!
6Nang sia ka lungdamna lianbel na hi hunlam
kong ngaisun bua a, nang kong mangil le,
la zongh sa kik thei ngei nawn bua tong!
7 Topa awng, Jerusalem a kilaak ni in
Edom te ngamtatna na phawk in.
“A bul dongin sutham vun” a ci kikik uh sia na phawk in.
8Babylon awng, nang sia hong kilalsak tu hi.
Kote tungah nong vawtna sa teng hong thuk kik te — #Tpl 18:6
9na nausente uh hong laaksak in
suangpi tungah hong teaklupsak te sia mihing lungdamte ahi uh hi.
Currently Selected:
Psalm Late 137: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
