Psalm Late 136
136
Lungdamkona La
1 Topa tungah
lungdamko vun,
banghang ziam cile ama pha hi;
ama ii itna kip tawntung hi. #1 Khang 16:34; 2 Khang 5:13; 7:3; Ezra 3:11; Ps 100:5; 106:1; 107:1; 118:1; Jer 33:11
2Pathiante theampo sung pan
a lianbel pa tungah lungdamko vun,
ama ii itna kip tawntung hi.
3To theampo sung pan
a thahatbel pa tungah lungdamko vun,
ama ii itna kip tawntung hi.
4Ama bek in nalamdang lakna
liante vawt hi;
ama ii itna kip tawntung hi.
5Ama ciimna taw
vantungte vawt hi;
ama ii itna kip tawntung hi. #Pian 1:1
6Ama in simlei sia
tuithukna tungah sa hi;
ama ii itna kip tawntung hi. #Pian 1:2
7Ama in ni le tha vawt hi;
ama ii itna kip tawntung hi. #Pian 1:16
8Ni in sun hun a uksak hi;
ama ii itna kip tawntung hi;
9tha le aksi te in
zan hun uksak hi;
ama ii itna kip tawntung hi.
10Ama in Egypt te ii
tapaciil teng that hi;
ama ii itna kip tawntung hi. #Pu 12:29
11Ama in Israel mite Egypt ngam panin pusuapui hi;
ama ii itna kip tawntung hi; #Pu 12:51
12a khut tha khona, a vaanglian baan taw pusuapui hi;
ama ii itna kip tawntung hi.
13Ama in San Tuipi khen hi;
ama ii itna kip tawntung hi. #Pu 14:21-29
14tuasia kaantan in
a mite lampui hi;
ama ii itna kip tawntung hi;
15ahihang Egypt kumpipa le
a ngalkap teng tuitaasak hi;
ama ii itna kip tawntung hi.
16Ama in a mite sennealngam
kaantan in lampui hi;
ama ii itna kip tawntung hi.
17Ama in a thahat kumpite that hi;
ama ii itna kip tawntung hi;
18Ama in kumpi minthangte thatlum hi;
ama ii itna kip tawntung hi.
19Amor mite kumpipa, Sihon thatlum hi;
ama ii itna kip tawntung hi. #Mi 21:21-30
20tuaciang Bashan kumpipa Og
thatlum hi,
ama ii itna kip tawntung hi. #Mi 21:31-35
21Amate ngam teng
a mite piaksak hi;
ama ii itna kip tawntung hi.
22A naseam Israel te tungah tua ngamte pia hi;
ama ii itna kip tawntung hi.
23Ngal ih lel ciangin ama in hong mangil ngawl hi;
ama ii itna kip tawntung hi.
24Ama in ih ngalte khut sung panin hong suatak hi;
ama ii itna kip tawntung hi.
25Ama in nuntakna nei theampo an pia hi;
ama ii itna kip tawntung hi.
26Vantung a om Pathian tungah lungdamko vun,
ama ii itna kip tawntung hi.
Currently Selected:
Psalm Late 136: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
