Paunakte 26
26
1A mawmaw khat pok natu sia khaal lai vuuk taak, ahibuale anlaak hunlai nguazu tu bang keakin suak thei ngawl hi.
2A thuak tu ma in na kilawm bua nale haamsiatna in bangma hong law zo ngawl tu hi. Tuate in leleang a, tawlngak hun a nei ngawl vacimte taw kibang hi.
3Siphu khat sia saat kul a, laa khat sia kamkhau bul kul a, tuaciang a mawmaw khat sia vel kul hi.
4A mawmawthuai dokna khat na zo le, a dongh pa bangma a mawmaw na hi hi.
5A mawmawthuai dokna khat sia a mawmawthuai ma in zo kik lete, a dongh sia in ama kingaisut bangin a pil ngawl hunlam kiphawk tu hi.
6Mihing mawmaw khat kamtai in na sawl le, nangma peang a saattan bang na hi thei hi; buai natu a zong na hi hi.
7A mawmaw khat in paunak khat a zak theina sia a koncip khat ii a peang a zak thei bang bek hi.
8A mawmaw khat po pokna in saili kuung tungah suangtang kikhit bang bek ahi hi.
9A mawmaw khat in ciimkam teptee a zak ciang zukham khat ii a khut sung pan ling tangciak a daw nop hong phawksak hi.
10Thacialpa khat in, hong vak thawthong a mawmaw khat po tha a cial le, a kisai theampo nasak bek hi.
11A mawmaw khat in mawmawt vai khat a nii veina in a vawt kik le a luak sa a ne kik ui khat taw kibang hi.#2 Pe 2:22
12A ciim ngawl khat ciim a kisa sia sangin, a mawmawbel khat phazaw lai hi.
13Mihing dathamte banghangin a inn uh pan pusuak ngeingawl ziam? Amate in bang kiita ziam? Tawpite ziam?
14Mihing dathamte sia a lupna tungah kilum lelet uh hi. Innkha khat pattaa tungah a kihei za sangin, tua pa in a khuala zaw theng ngawl hi.
15Mi pawlkhatte sia ama le ama a kam sungah an a kibak tu takpi zongh datham hi.
16A datham mihing khat in, amate ii ngaisut thiamna a lak thei pasal sali sangin pilvangzaw in kingaisun tu hi.
17Nang taw kisai ngawl thu khat taw kam kinialna sungah kihelna sia khua sung lampi tawnin ui khat a bil pan zap taw kibang hi.
18-19Mihing khat in ngualtheam a, a zawkciang ka ciammuina zam a cite sia, a lauhuai ngalhiam taw a kimai mihing thin amh khat taw kibang hi.
20Thing om buale mei mit hi; thu nawnsan om buale kihauna bo hi.
21Meihol in meikamte linghsak a, thing in mei kuangsak hi, buaina a piangsakte in kam kinialna kipee suaksak hi.
22Thu nawnsan sia lim mama hi! Bangza in valh thanuam hi ziam!
23Na ngaisut takpi teng seal a, thumaan son ngawlna in a man ol leibeal zutna in a kizangh cimbeng taw kibang hi.
24A kihitheamsak mihing khat in ngual a etsatna sia kisialpokna kammalte taw seal hi. 25A kampaunate ahile zaaknophuai tha tu hi, ahihang um heak vun, banghang ziam cile a thinsung ah ki etsatna a dim in om hi. 26A ngual etsatna sia phualseal zo tha tu hikale, mihing theampo in a ngitlo ngamtatnate mu tu hi.
27Ngual thaang a sia mihingte sia amate ma awk kik vacin hi. Min a cimhsak mihingte sia min in vuknelh hi.
28Leilot thu taw ngual thinnat natu a vawt nuam khat sia na etsat kul hi. Thumaan ngawl sonna in siatna simngawl a dang a piangsak bua hi.
Currently Selected:
Paunakte 26: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
