Pusuana 26
26
Topa ii Ompuina Puanbuk
(Pusuana 36:8-38)
1“Kong ompuina Puanbuk, a thiangtho puanbuk sungsang sia vancii, a sandup, le a san tuumul taw a kitak puanneal bek sawm taw vawt in. Tua puante cherub limte taw zeam in. 2Tua puante a letna kikim tu a, metre 12 sau in metre 2 zai veu hi tu hi. 3Tua puan ngate khatin khuikhawmin, a dang nga teng zongh tuabang ma khuikhawm in. 4Na puan pee khop khat simin a puasang puanbek ii mong tung teng ah vancii puan kualte vawt in. 5A puan masa sia tungah kual sawmnga koi in a, a niina puan sia tung zongh ah a kibangin kual sawmnga ma koi in kisituasak in. 6Tua puante nii sia puan khai khat in na pe thei natu khamh taw kivawt a khilna koaite sawmnga vawt in.
7“Puanbuk ii a tung sit natu in kealmul taw kivawt puanbek sawm le khat vawt in. 8Tua teng a letna kibangsak in, metre 13 sausak in, metre 2 zaisak in. 9Tua puanbek nga teng khatin khui khawm in a, a dang luk teng khatin khuikhawm in. A lukna puanbek sia Puanbuk mai ii tung san ah thep nii in thep in. 10Na khuikhop puankhai khat ii puanbek khakbel sia ii mong tungah a kual sawmnga vawt in a, a dang khat sia mong zongh ah a kual sawmnga vawt in. 11Puante kipee khop natu in taaukoai sawmnga vawt in a, a sitna khat suak tu in a kikhui khawmsa puante nii ii a kualvangte sungah thun in a pe in. 12Puanbuk nungsangah tua puanbek vaal ii a lang sia kaaisuksak in. 13Tua puankhai sia a sau lamin a mong vaal centimetre sawmnga veve sia Puanbuk pangh tek ah kaaisuksak in.
14“Puanbuk sit natu a sanin a kinimh tuutal vun taw kivawt a sitna khat le savun neal taw kivawt a sitna dangkhat te ngeal vawt lai in.
15“Acacia thing taw Puanbuk a kalpheak dingtangte vawt in. 16Tuate khat sim a sauna metre 4, a saana centimetre 66 hi tu a, 17a kipee thei natu in a meang nii vawt in. A kalpheak theampo tuabangin vawt siat in. 18Thang sang atu a kalpheak kul, 19a nuai phaa tu ngunn taw kivawt tawdap sawmli vawt in a, a meangte a len tu in ngunn tawdap nii tek koi in. 20Puanbuk saksang atu a kalpheak kul, 21a kalpheak khat ciang tawdap nii veu, ngunn tawdap sawmli vawt in. 22Nitumna sang Puanbuk nungsangah a kalpheak luk, 23le a kingte atu in a kalpheak nii vawt in. 24Hi a king a kalpheakte sia a bul pan pe in a dawn dong kizom siat tu hi. Tua king nii a piangsak a kalpheakte nii sia, tubangin kivawt tu hi. 25Tuabangin a kalpheakte liat om tu a, khat simin tawdap nii veu, ngunn tawdap sawm le luk om tu hi.
26“Acacia thingzawl sawm le nga vawt in, Puanbuk a kalpheakte atu in a pangh khat ah zawl nga veu, 27a langkhat ah a kalpheak nga le a nungsang nitumna sang khakbel ah a kalpheak nga vawt in. 28A lai zawlsau, a kalpheakte nii ii lang kikhenna ah a kithung sia Puanbuk langkhat pan langkhat dong, a tuantung hi tu hi. 29A kalpheakte khamh taw tuamin, a zawlte tum natu khamh kualte bulin a, a zawlte zongh khamh taw tuam in. 30Mual tungah kong lak ngealna sa om bangin Puanbuk sa in.
31“Vancii, a sandup le a san samul taw a kitak puanneal puankhai khat vawt in. Tuate cherub te ii limte taw zeam in. 32Ngun tawdap li tungah a kiphut, vanh khaina a koaite a kithua khamh taw a kituam acacia thing khuam li tungah tua puan khai in. 33Puanbuk innciing nuai ah puankhainate pan puankhai khaksuk in a, tua puan nungah suangpheak niite koina Thuciamna Thingkuang koi in. Tua puan in Thiangtho Mun le Thiangthobel Mun kidaakna ahi hi. #Heb 6:19; 9:3-5 34Thuciamna Thingkuang sitna thua in. 35Thiangthobel Mun ii pua sang, Puanbuk ii saksang pangh ah sabuai koi in a, thangsang pangh ah meidetna khuam koi in.
36“Puanbuk sung tumna puankhai tu in vancii, a sandup le a san samul taw a kitak thiamngelte taw a kizeam puanneal puankhai khat vawt in. 37Hi puankhai atu in khamh taw a kituam le puankhaina khamh koai a kibul acacia thing khuam nga phut in; tua khuamte atu in taau tawdap nga vawt in.
Currently Selected:
Pusuana 26: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
