2 कुरिन्थियों 3
3
नवें वायदेरै सेवक
1क्या असै फिरी अपड़ि तारीफ कांना लगै? क्या किछ होरनियां मैहणुवां सैयि असेड़ै तेईनी जरूरी आ, कि असै तुहांनि सिफारिश बाई चिट्ठी लुहाईया या तुहां किना मगिया? बिल्कुल ना। 2तुवे ऐपुवै एकि चिट्ठी सैयि अत्तै, जै सभनियांं केरै सांमणै परमेश्वरेरै तेईनी मिंडै कंमेरी सिफारिश कातै; तुवाड़ा बदलियोरा जीवन, तुहां मझ असेड़ै कंमा केरी वजहि ला आ, अबै ऐ तुवाड़ा जीवन एकि चिट्ठी सैयि आ, जैस तका करि हर कोई पढ़ि जां समझि सकता। 3ऐ लेयिंथी गल आ, कि तुवाड़ा बदलियोरा जीवन अक चिट्ठी आ, जै ऐपु मसीह लिखोरी आ, तेनी ऐ चिट्ठी असेड़ि सेवकाय ला लिखि; ऐ चिट्ठी स्याहि ला या घौड़ा केरी स्लैटिया पन ना लिखि, पण जीवित परमेश्वरेरै आत्माय ला मैहणुवां केरा दिला मझ लिखि छडोरी अत्ति।
पौलुसेरी काबलियत
4असै ऐहीं ऐठणीरै तेईनी बोलतै, केईनी कि असु मसीह मझ परमेश्वरा पन भरौसा। 5असै ऐहीं ना बोलतै, कि असै योउतै काबिल अत्तै, कि अपड़ै दमा पन किछ करि सकतै; पण परमेश्वर असु काबिल बंणाता। 6जेनि असै नवें वायदेरै सेवक बंणनेरै काबिल बंणाय, ऐ कोई मूसेरी लिखोरी व्यवस्था ना; पण पवित्र आत्मायरा वायदा, केईनी कि मूसेरी लिखोरी व्यवस्थायरा पालन ना कांनेरा नतीजा मोउत आ, पण पवित्र आत्मा हमेशा वा जीवन दींता।
नवें वायदेरी महिमा
7-8मूसेरी व्यवस्था जै घौड़ा केरी बडी-बडी स्लैटिया पन लिखोरी थी, ता तैस टैंमा परमेश्वरेरी महिमा प्रकट भुई, ता तैस तका करि मूसेरा चैहरै पन बि चमक अईछी गैई; जेठणीरी वजहि इस्राएलेरै मैहणुवें जादी हांण तेईनी मूसेरी शक्लि धेरै ना तकाईयु। ऐठणीरै तेईनी अगर मूसेरी व्यवस्थाईरै आधारा पनि सेवकाय मोउत अंणति, जेसैरी ऐतेई चमक थी, ता पवित्र आत्मायरै मार्ग दर्शना मझ नवें वायदेरै आधीन सेवकायरै कंमा मझ होरी बि जादा सामर्थ भूंणी।
9केईनी कि दोषी बंणाणै बाई व्यवस्थाय मझ योउती सामर्थ थी, तां ता सच मझ नवाँ वायदा जै मैहणुवां परमेश्वरा सिंउ धर्मी बंणाता, तेसैरी महिमा ता होरी जादा भूंणी। 10सै सामर्थ जै पुरांणी मूसेरी व्यवस्थाय ला थी, सै सामर्थ अबै मुकि गियोरी आ। केईनी कि नवें वायदेरै मुकाबलै जादा तेजोमय ना। 11अगर मूसेरी व्यवस्थाय मझ योउती सामर्थ थी, जै थोड़े-त्यै टैंमा बाद मुकि गैई, ता तैस नवें वायदै मझ क्यौति सामर्थ भूंणी, जै कदि मुकणी-ऐ ना। 12ऐठणीरै तेईनी ऐतेई उम्मीद करि-करि बगैर डरै असै ऐठणीरै बारै मझ बोलतै रींहथै। 13असै मूसै सैयि नत्तै, जेनि अपड़ु मुँह परदै ला घटि लियौरू थियु, ताकि इस्राएलेरै मैहणु परमेश्वरेरी चमक जै तेसैरू मुँहा पन थी, तैस चमकी घटतै जां बाद मझ गायब भूंतै तकाईया ना।
14पण इस्राएलेरा मैहणुवां केरै मंन कठोर भौ गियोरै थ्यै, केईनी कि आज तेईनी पुरांणा नियम पढ़तै टैंमा, तैन्हांं केरै मंना पन सैहै परदा पियौरा थ्या; पण यीशु मसीह पन विश्वास कांने ला, असु जां परमेश्वरा बिच मझ कोई परदा ना रींहथा।। 15जां आज अगर कदि मूसेरी किताब पढ़तै, ता तैन्हांं केरै मंना पन परदा लगी गांहथा। ऐठणीरै तेईनी सैक्यै ऐस अच्छी तराहि सिंउ ना समझतै। 16पण जेख्णी कोई प्रभु यीशु पन विश्वास काता, ता प्रभु यीशु मसीह तेसेरै मंना पन जै परदा लगौरा भूंता, तैस परदै घैरी दींता।
17प्रभु ता आत्मा आ, जां जेठि-कोठि प्रभुरा आत्मा आ, तैड़ी आजादी आ। 18असै सारै एकि शिशै सैयि अत्तै, जै परमेश्वरेरी सामर्थ होरनियांनि लुहातै, जैत पन कोई परदा ना। ऐनि ला परमेश्वर असु लगातार बधती सामर्थी मझ जादा-सै-जादा ऐपु सैयि बंणाता। ऐ सामर्थ प्रभु किना ऐ मेईंती; जै पवित्र आत्मा आ।
Currently Selected:
2 कुरिन्थियों 3: CDJNT
Highlight
Share
Compare
Copy
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
