YAOGYAW 20
20
Lox Rawg Bwan Son Sang Mawh Pa Pex
1Kieh Siyiex pawk lox maix yam yaox maix krax khi rhawm, kieh ceu kaux Siyiex Yakop yaog Maix ting lhaong liak. 2Kieh Nawh Cao ploi krax teem krax coi pa kaoh khaing Maix dee singax singeh mai krax pa joh jhan lih khaing piang gawng Zion heue. 3Kieh Nawh Cao doh keud ka krax tan ku ceu khawmuik mai rieb ti teei ka pa gleeing ti tan khankix liak. 4Kieh Nawh Cao tawx can ceu pa simie maix tix lo mai baox tawx krax pa keud sawn maix grum naog khawmuik heue. 5Aux gaux rhawm gaux rhi ka krax taoh Maix mai aux pak chix ka daux ceu kaux Siyiex, kieh Siyiex tawx pa rawg Maix bwan khawmuik liak. 6Yam in aux hoik tawng grawng Siyiex hoik taoh ka Kaw pa hoik groi Nawh rawm bee, Nawh Cao ot ka piang meung raoma ka dee singax singeh mai pawk lox kix mai taoh kix ka taix khawn dawm Nawh Cao heue. 7Pui tiblah deuh rhawm ka ling mawie, ling brung, phan mawh ex yaogyaw ka ceu kaux Siyiex ex heue. 8Kix sideeing caong mai goh heue, phan mawh ex kaoh cung heue. 9Siyiex eue, taoh ka aux liak mai deeh pawk ka lox aux yam kok yo aux ka Maix liak.
Currently Selected:
YAOGYAW 20: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
