Nah%FAm 3
3
1¡To' awach yet, tinimit ajkamsanel,
lik at nojnaq che i t'oronik xaq che i ch'oj;
i uchapik ati' ka'ano nti uk'isik!
2¡Kjich' kan uch'awb'al i asial,
ketarar uch'awb'al i sotsaq!
¡Upok'owik kib'inik i kaway
xaq kiluk'uk'ik i ch'ich' re ch'oj!
3¡Achiyab' ajrij taq kaway enam ke pa ch'oj!
¡Uwalch'inik i ch'ich' chi k'ulala o uware,
urepxinik i che' ch'ich' utzam!
¡Lik nti kisuk' i je soktajnaq,
k'iyal taq t'ub'aj je kamnaq!
¡Ch'akulaj ke i kamnaq chi lik nti usuk'!
¡I winaq are keb'inik kkitakij kaqan chke!
4Ronojel ile xa rumal ni'pa i utz taj chi ku'an ixoq
chi chwach uch'akul kuch'ak wi umer, rumal taq uchomal,
tijonel re itz,
chi ru' xaqmanal ku'an ru' uch'akul xaq ru' moxinik
chi ku'ano, keumin winaq xaq i nimaq taq tinimit chupam.
5I Ajwal chi ronojel ktiki che kub'ij:
Chi in o wi chu'anik ch'oj chawij yet:
Kinyak ni awuq k'a chapalaj,
man keje ile i nimaq taq tinimit katkilo at ch'analik
xaq i ajawinik kkil ni ak'ixb'alil.
6I kinkoj ni tz'il pawi,
qajsab'al re a'ij i kin-an ni chawe chi winaq katkitze'ej na.
7Konojel ni'pa i katkilo
ke'anmaj ni chawach, kkib'ij na:
¡I tinimit Nínive lik sachnaq chik uwach!
¿Pachin nawi kril tob'al uwach?
¿Ipa nawi keinriq wi kkub'saw ak'ux?
8¿Xatab'a lik mas at utz yet chwach i tinimit Tebas,
tinimit chi o chuchi' i raqana Nilo,
lik sutim rij che uk'iyal ya,
i raqana xaq i mar lik kajwax che re tob'al rib' chkiwach jub'an chik?
9I tinimit Etiopía xaq i Egipto je are te'eq ukowil ucho'ab' chi nti uk'isik;
i tinimit Fut, tinimit Libia are kiya'om te'eq kiwach ru'.
10Xwiri i tinimit Tebas xek'am b'ik i xe'elsax b'i pa cho'ab' chwach kulew;
i kak'al xekamsaxik
xaq xejab'ix kan xol taq b'e;
i winaq chi nimaq taq ki'ij xekisakij
i je ajk'amol utzam xexim ru' karena.
11Xaq keje yet, Nínive, katki'ab'arsaj na;
lik sachnaq anojb'al, kawuwaj awib'
xaq katzukuj na ipa kato wi awib' chkiwach i je ajch'oj chawij.
12Ronojel ni'pa taq akowil je keje na pacha i uche'lal higo
chi lik ch'uych'ik uwach xwiri lik ch'u',
chi lik ketzaq li pkichi' i ketijawik are
kyilyax uche'lal.
13I awinaq chi je yij che i ch'oj lik pacha taq chik je ixoqib',
i k'iyal taq uchija re i tinimit
lik je jaqal chik chkiwach i je ajch'oj
man i a' lik usachom chik uwach i silik' ke i uchija.
14Chak'olo aya' man keje ile kach'ijo, tz'aqat at tz'apim,
chakowij atob'al.
Chamina awib' pa xo'ol, chaya'ya uwi i xo'ol,
chak'ama i molte re anatril.
15Ni'pa taq i a',
i ch'ich' chi k'ulala o uware xaq i sak',
lik kkisach ni awach.
¡Chatk'iyaroq pacha kik'iyal i nimaq taq sak'!
¡Chatk'iyaroq pacha kik'iyal i ral taq sak'!
16I je awajk'ayinel lik mas
xek'iyar chkiwach i ch'umil aj chikaj.
(I nim laj sak' kujalwachij utz'umalil xaq krupupik kel chikaj.)
17I je awajchajal keje pacha i nimaq taq sak';
i je aj-ok'al utzam re uk'utik u'anik ch'oj chke i awinaq chi je yij che i ch'oj
je keje pacha uk'iyal ral taq sak',
are joron i tew, kek'iji chwi taq xan;
are kel li ij, ke'ek; mijun ketamawik ipa ke'e wi.
18¡Yet, nim laj ajawinel re Asiria, i je ajyu'ul achij lik kewarik!
I je awajpatan ke'uxlanik,
i awinaq chi je yij che i ch'oj je kichernaq b'i pa taq es
i lik mijun kumol kichi'.
19¡Lik nti kunb'al re i soktajnaq chawe;
ak'ax lik kkuntaj taj!
Konojel ni'pa i kkita atzaqik pa k'ax
kkipok'pa pki'ab' chawe rumal kikikotemal,
man ¿Tinimit Nínive pachin taq wa xutij ti uyej rumal amak atzalal chi nti uk'isik?
Currently Selected:
Nah%FAm 3: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
