Nah%FAm 1
1
Tzalijsab'al uwach i nim laj oywal re i Dios
1I wuj re i ma profeta Nahum aj Elcos chi xril puwach. Iri lik are i tzijonik re i Ajwal chrij i tinimit Nínive.
2I Ajwal Dios lik selos xaq lik kuya utojb'alil chke ike pacha kki'an ike che Ire:
Ku'an uk'exel chke pachin kkiqelo,
xaq kpe roywal chke i je ajch'oj chrij.
3I Ajwal lik nim uk'ux xaq lik ronojel ktiki che,
xaq lik kuya ni utojb'alil che i ajmak.
I Ajwal kb'in ni puwi i tew jab',
i sutz' lik are ni uk'aj ulew re i raqan.
4Kuyaj i mar xaq kuchaqijsaj.
Ku'an chke konojel i raqana chi kechaqijik.
I uwa ta'aj re Basán
xaq i jyub' re i Carmelo ku'an chke chi kechaqijik.
Xaq i kotz'ij re i Líbano lik kematz'krijik.
5Lik chwach Ire kesiksat ni jyub';
i uwi taq jyub' lik chwach Ire keyayurik.
Ronojel ulew lik ksiksat chwach Ire;
xaq keje ronojel i jyub' ta'aj xaq konojel ni'pa i je k'as chwach.
6¿Pachin nawi kuch'ij tak'alem chwach, i roywal Ire?
¿Pachin nawi kch'ijaw i roywal?
I roywal lik kjuluwik pacha i a',
chwach Ire kepax i nimaq taq ab'aj pa nik'aj.
7I Ajwal lik utz;
lik are jun tob'al ib' che i ij are o i k'ax:
Ni'pa i kul kik'ux che, Ire lik keuto.
8Xwiri, keje pacha jun nim laj raqana chi is keuchararej b'ik,
kusachsaj kiwach ni'pa kkaj ti u'anik pacha kub'ij Ire;
i equmal keumaj ni i je ajch'oj chrij.
9¿Wach taq kixtijin yix chuyijb'axik chrij i Ajwal?
¡Man Ire lik kusachsaj ni iwach iwonojel!
¡Lik mijun ktiki taq chu'atixik ukamul!
10Man lik keje pacha k'ix upach'katum rib'
xaq pacha k'im chaqij kek'atsax ni konojel.
11Chawe yet, Nínive, xel wi jun chi kuch'ob'
i utz taj chrij i Ajwal:
Jun itzel laj ajpixb'anel.
12Rumali i Ajwal kub'ij che utinimit:
“Tupu i aj Asiria lik o kicho'ab' xaq lik je k'i,
lik ksachsax ni kiwach xaq lik kek'is na.
Yin in-anom k'ax chawe
xwiri kin-an ti chik mas k'ax chawe.
13Kin-an ni ch'aqa taq che i yuku chi o rij aqul
xaq keinraqij ni akarena.”
14I Ajwal xuya jun taqanik chi klapan chawij yet, ajawinel re Nínive:
“Lik nti chik amuq axikin re kuxtab'al ab'i;
prachoch i atiox kinsachsaj ni
kiwach i tiox chi xaril je antalik xaq i k'exwachij,
chila na katinmuq wi yet man lik katajwax ti chik.”
Tzijonik re utzaqsab'al i Nínive
15 ¡Chiwila pe'! ¡Ya kk'un chwi taq jyub'
i ajb'il utzijol i tzij re chomb'al ib'!
Cha'ana anima'ij Judá;
cha'ana wach asujum.
Lik mitjulaj chik katkich'ak ni itzel laj taq winaq;
man lik konojel xsachsax kiwach.
Currently Selected:
Nah%FAm 1: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
