Jerem%EDas 47
47
Tzijonik chkij aj Filistea
1Iri are i tzijonik chi Ajwal xub'ij che ma Jeremías chi profeta chkij aj Filistea, are ma faraón k'amaja k-on ch'oj pa tinimit Gaza:
2Yin in Ajwal, kinb'ij:
Pa moxab' kupon ni jun nim laj ya chi kunojsaj uwach i k'ijib'al le,
pacha jun nim laj raqana chi elnaq chik puk'ijib'al;
kunojsaj ni i tinimit che i ya xaq ronojel ni'pa o chwach,
pa nimaq taq tinimit xaq ni'pa je jeqel chwach.
Konojel i winaq re i tinimit kesik'inik,
i winaq kesik'in ni che o'ej rumal i k'ax.
3Utayik i pok'owik re kixajab' i kaway,
xaq i luk'uwik ke i kareta
xaq i siririk re i sotsaq chi o che,
lik nti chik kicho'ab' i kiqajaw kichuch,
rumali xko'taj kan i kak'al.
4Man ya xuriq i ij re usachik kiwach aj Filistea,
xaq re umajik chke aj Tiro xaq i aj Sidón
i tob'al chi k'a o ku'.
Qatzij, i Ajwal kusachsaj ni kiwach aj Filistea,
chi xek'un che ulew chi o ya chrij chwach chi are i tinimit Creta.
5I winaq re Gaza kkisol b'i kiwi che kijolom,
i winaq re Ascalón kekanaj na chi kel ti chik kich'awb'al.
K'isb'al chik winaq chi naj kij re ujer,
¿K'a junpa ka'at ni ach'akul
k'utb'al re uk'axk'ol?
6¡Ay, ch'ich' re Ajwal chi k'ulala o uware!
¿Junpa kamayij?
¡Chattok chub'i chupam ak'olb'al,
chamayij, lik chatuxlanoq!
7¿Xwiri wach ukanajik i uxlanem ku'ano,
man i Ajwal uya'om i taqanik che,
man uya'om chuqul re
ku'an ch'oj chrij aj Ascalón xaq ronojel i k'ijib'al chi taq mar?
Currently Selected:
Jerem%EDas 47: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
