Jerem%EDas 12
12
I profeta klapan ru' i Dios
1Ajwal, we kin-at inpen awu' che i lapanik puwi jun b'iroxik,
pa k'isb'al re yet lik arewi usuk' wach i kab'ij;
xwiri kwaj te'eq kintz'onoj chawe,
puwi jujun b'iroxik.
I je utz ti laj taq winaq ¿B'uchak ke'el utz ru' wach i kki'ano?
¿B'uchak i winaq chi kkik'ayij kamiy chke i ajch'oj chkij, lik nti kkib'isoj xaq lik utz je olik?
2Yet keatiko,
ike k-e b'i ka', kek'iyik xaq kewachinik.
Kkib'ij ru' kichi' chi lik naqaj at o wi chke,
xwiri pkik'ux naj je o wi chawe.
3Xwiri yet Ajwal, lik aweta'am inwach,
yet kinawilo xaq aweta'am ink'ux
xaq inch'ob'onik chawe.
¡Cheak'ama b'i i winaq le pacha chij pa kamsab'al ke;
chea'ulu re i ij re i kamsanik!
4¿K'a junpa kchaqij ulew,
xaq kematz'krij i es chi je o chwach?
I jalajuj taq chikop xaq i jalajuj taq tz'ikin ktijin kikamik
rumal kimak i winaq chi je jeqel pa nim laj tinimit,
kkich'ob' ike chi kawil ti yet wach i kki'ano.
I Dios xula' uwach che ma Jeremías
5We lik katkos che i anem chkij i winaq chi keb'in chaqan,
¿Wach atikilem uri chke i winaq chi keb'in rij taq kaway?
Are at tak'al chwach ulew chi lik nti xib'in ib' che, nti uri kach'ob' che lik utz at olik,
¿Xwiri wach nawi ka'ano we at tak'al pa nimaq taq es chuchi' i ya Jordán?
6Tupu i je awatz acha' chi lik je awalk'uwal
at kik'ayim chke i ajch'oj chawij,
chi lik kesik'in chub'ixkil k'ax rij taq awi.
Maya taq ak'ux chke ike le,
tupu lik utz taq a'ijlaxik kki'ano.
B'is re i Ajwal rumal i kuk'ulmaj utinimit
7Je wo'tam kan intinimit,
lik inxutum intinimit chi we yin te'eq.
Je inya'om pki'ab' i je ajch'oj chkij,
chi are i nim laj tinimit chi lik k'ax kinna te'eq yin.
8I tinimiti chi we yin te'eq,
wo'or chwe yin keje pacha jun koj chi o pa taq k'achelaj;
chi kyerer chu'anik ch'oj chwij, rumali kinxutuj.
9Intinimit lik keje pacha jun tz'ikin chi lik chom rismal,
chi kki'an ch'oj jub'an chik tz'ikin chrij.
¡Iwonojel yix chikop aj pa taq es chixpetoq,
chimolo iwib' chutijawik jun nim laj wa'im!
10Je k'i aj-atzil chi je ajch'oj chwij ki'anom k'ax che i tikb'al in-uva,
kiya'yam uwi wulew.
Xki'an jun tz'inilik jyub'
che i wulew chi k'ax kinna yin.
11Xki'an kan che pacha jun tz'inilik jyub',
lik xkitalb'a kan uwach, xaq lik ko' kanoq
Ronojel ni'pa i nimaq taq tinimit lik x-on tz'inilik jyub',
xwiri lik mijun kb'ison che wach xuk'ulmaj.
12Chwi taq ronojel i loma re i tz'inilik jyub' chaqij
xek'un winaq chi to' aj-anol ch'oj.
Man Yin, chi in Ajwal, o jun inch'ojb'al
chi kusach ni uwach i nim laj tinimit, kjeqan b'i chuchi' jewa kupon k'a chuchi' jela,
xaq mijun kuriq i chomb'al ib'.
13Xkitik trigo xwiri xa k'ix xkiwachb'ej che,
ronojel ni'pa i kichak lik nti xuchakuj.
I uwach kitikon lik x-on ti utz
rumal i nim laj woywal.
Usujunik i Ajwal chke i tinimit chi je o chkinaqaj aj Israel
14Keje iri kub'ij i Ajwal chkij itzel laj taq tinimit chi je o chkij chkiwach aj Israel, chi xki'an k'ax che ulew chi uya'om ire chke utinimit aj Israel, chi pacha kuxtab'al re ku'. “Yin kewesaj nu b'i chwach i kulew, xaq kewesaj b'i aj Judá chkixol ike le. 15Xwiri chrijil chik kelsaxik b'ik, kwil tan chik tob'al kiwach, xaq kin-an tan chik chke chi ketzalij chal chwach kulew, xaq chupam i nim laj kitinimit. 16Lik saq laj tzij are ike xek'utuw che intinimit chi kkib'ij tzij pub'i i Baal, xwiri wo'or kek'iji chkixol intinimit, we lik qatzij kkaj kkik'am ukojonik intinimit, xaq lik kkib'ij pinb'i yin keje iri: Yin lik kinb'ij pub'i uk'aslemal i Ajwal. 17Xwiri i nim laj tinimit chi kkojon ti chwe, lik kinmich' nu b'ik, xaq lik kinsach ni uwach. Yin in Ajwal, xinb'iw ile.”
Currently Selected:
Jerem%EDas 12: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
