Isa%EDas 64
64
1Wetene karaqij i kaj xaq katqaj li
chuyikyaxik i nimaq taq jyub' ru' acho'ab',
2pacha k-on i a' are kuk'at i lokej
xaq are kupo'owsaj i ya.
Are uri i je ajch'oj chawij kketamaj neri ab'i,
xaq i nimaq taq tinimit kesiksat neri chawach yet.
3Are xa'an i nimaq taq il chi lik nti kqach'ob' che,
are xatqaj loq, i jyub' lik xeyikyat chawach.
4Lik tatajnaq taj xaq iltal taj
we o jun chik dios
chi k-on i b'iroxik le,
ilb'al tob'al kiwach ni'pa kiya'om kik'ux che.
5Yet kumaj awach pachin ku'an i utz ru' kikotemal,
xaq kk'un chuk'ux chi ku'ano pacha i kawaj yet.
Yet petnaq awoywal man xojmakunik,
lik ujeri qa'anom k'ax chawe ru' i wach kqa'ano.
6Qonojel yoj oj keje pacha jun winaq chi ch'am taj,
ronojel ni'pa i qachak keje pacha jun k'ul tz'il,
qonojel oj tzaqnaq pacha jun uxaq es matz'krijnaq,
ni'pa i kamsanik chi qa'anom kojucharej b'ik pacha k-on i tew.
7Lik nti jun katukuxtaj katunataj
xaq mitene kukoch'ij rib' chuto'ik rib' awu';
rumali xawuwaj awib' chqawach yoj,
xaq lik oj awo'tam rumal i qamak.
8Xwiri, Ajwal, yet at qaqajaw,
yoj are oj rulewal i b'oj, i yet at aj-anol i b'oj le,
¡Qonojel oj antal awumal yet!
9Ajwal lik mpe jun nim laj awoywal
xaq lik arewi mk'un chik i tzij chak'ux chi xqanuk'u.
¡Chawila chi yoj oj atinimit!
10I lo'laj taq atinimit xe'on pacha jun tz'inilik jyub' chaqij,
i tinimit Jerusalén lik utz ti chik u'anom, lik wulijnaq chik.
11I chom lo'laj k'ijib'al chi o u'ij
ipa kkikoj wi te'eq a'ij i qaqajaw qachuch
lik xsach uwach rumal i a'.
¡Ronojel ni'pa i b'iroxik chi lik k'ax kqana te'eq x-on mal!
12Ru' ronojel ni'pa ile, Ajwal, ¿Xatab'a lik nti ka'ano?
¿Lik to' keje ile katkanajik, nti kab'ij,
xaq kaqajsaj qa'ij k'a chwach ulew?
Currently Selected:
Isa%EDas 64: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
