Isa%EDas 59
59
Kimak xaq utojb'alil chke aj Israel
1I ma Isaías xub'ij: I Dios lik o ucho'ab' re ktonik xaq lik utz uxikin re ktanik.
2Xwiri i mak atzalal chi i'anom yix
ukojom jun atinel chixol yix ru' i Dios,
i imak yix u'anom chi Ire kuch'uq upalaj
xaq kraj ti itayik.
3Yix lik tz'itajnaq i'ab' rumal i kik',
xaq uwi taq i'ab' tz'itajnaq rumal i kamik chi xi'ano,
i ichi' kub'ij i t'oronik,
xaq i utzam iwa' kub'ij i mak atzalal.
4Mijun kukoj umak jun winaq chwach i atb'al tzij chi lik suk'ul ub'ixkil,
xaq mijun k-e pa ch'ojinik tzij
we utz taq uk'ux.
Are mas kkiya kik'ux che i t'oronik tzij
xaq mijun kub'ij i saq laj tzij, lik je nojnaq che i utz taj
xwiri lik kkuwaj ti uwach.
5Kkichajij kisaqmol i kumatz
xaq kkijitz' kikem i am,
i jun chi kutij i saqmol le kkamik,
xaq i jun we xupuch'u ke'el li kamsanel laj taq kumatz.
6K-ani ti k'ul che ukem am le;
mijun kuwiq rib' ru' i wach kkijitz' ike;
ronojel ni'pa i kki'ano lik utz taj:
I ki'ab' are kchakun chu'anik i kamik,
7i kaqan kajwax chke re ke'e pa'anem chu'anik i utz taj,
re kek'achir chukichixik i kik' chi nti kimak.
I kinojb'al lik xwi kuch'ob' i utz taj,
ipa keik'aw wi kki'an kan k'ax che ronojel.
8Keta'am ti b'e re i chomb'al ib',
lik suk'ul ti wach kki'ano.
I b'e chi keterej chrij lik jech',
ni'pa keb'in che i b'e le kkiriq ti chomb'al ib'.
9Rumali i totajik ujek'om rib' qu' yoj
xaq i kiranik ktejeb' ti qu',
qoy-em te'eq i saq xwiri xwi i equmal olik;
qoy-em te'eq i tzijtzatik xwiri xa tz'intz'ik equm olik.
10Lik kojmalal chwach taq xan pacha taq oj mawach,
pacha taq nti qab'a'wach;
lik tik'il ij kqatakij qaqan pacha taq cha'ab',
lik o rutzil qawach xwiri pacha taq oj kamnaq.
11Qonojel yoj kojyararik pacha taq ma yum,
kojpich'awik pacha taq palomax chi k'ax olik,
qoy-em i totajik xwiri kk'un taj;
qoy-em i kiranik xwiri lik naj o wi.
12Yoj lik k'iyalmul qa'anom k'ax chawe ru' qatzij,
xaq lik are qamak yoj kkojow qamak;
lik qeta'am wach i qamak qa'anom,
xaq qeta'am wach ronojel i mak atzalal qa'anom.
13Lik qa'anom qelqel che qib' xaq lik jikil ti qak'ux che i Ajwal,
xqaj ti xojterej chrij i qa-Dios,
lik qach'ach'am u'anik taq i kamik xaq uk'ayixik jun chik lok'anij,
qa'anom i ch'ob'onik re kit'orik i jub'an chik.
14I suk'ul laj atb'al tzij xutum,
i u'anik i suk'ulik naj o wi,
i saqil k'uxij xtzaq pa k'ijib'al ipa kkimol wi kib' i winaq re i tinimit chkiwach konojel i winaq,
xaq i suk'ulik kok ti chila.
15I saqil k'uxij sachnaq chik,
i jun winaq chi kujek' rib' che i mak atzalal, kel-ax che ni'pa o ru'.
I Ajwal kmi' roywal che
are krilo chi nti suk'ul laj atb'al tzij.
16I Ajwal lik xub'isoj
are xrilo chi mijun kutzukuj u'atixik ile;
are uri xu'atij Ire ru' ucho'ab',
xaq lik are Ire xch'akanik.
17Xuch'uq rib' ru' i ch'akanik pacha taq jun tob'al ib' chwach i ch'oj.
Xukoj i totajik pacha jun ch'ich' re tob'al ujolom,
xuwiq rib' ru' jun jurjik k'ul re u'anik uk'exel i k'ax
xaq lik xupasij rib' chupam i roywal pacha jun k'ul naj raqan.
18I Ajwal kuya ni chke chkijujunal chrij pacha kmajaw chke,
kuya ni utojb'alil chke i ajch'oj chrij.
Ni'pa ike chi ktitat kipam che kuya ni chke pacha kmajaw chke,
xaq keje ni'pa je jeqel pa nimaq taq tinimit chi taq mar.
19Konojel i winaq chwach i jyub' ta'aj, kjeqan li prelb'al ij k'a puqajb'al ij,
kkiya ni u'ij i Ajwal are kkil u'ij uchomal
man Ire kk'un na pacha uk'unik jun raqana nim,
yintal rumal ucho'ab' jun nim laj tew.
20Kk'un na pacha jun ajkiranel re tinimit Sion,
xaq ke konojel umuq uxikin ma Jacob,
chi lik chijalwachij ino'oj chimayij i makunik.
Are i Ajwal xb'iw ile.
21I Ajwal kub'ij:
“Yin kin-an jun trat iwu' yix, xaq kinsujuj chiwe
chi incho'ab' xaq i ink'utunik chi inya'om chiwe,
lik kujek' ti rib' iwu',
mitene kujek' rib' ku' imuq ixikin
ronojel ij saq.”
Currently Selected:
Isa%EDas 59: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
