Oseas 8
8
Israel kya' ni tojb'al mak che rumal ukojik ki'ij i tiox chi xaril je antalik
1Chach'awsaj i a-trompeta,
pacha i ajchajinel chi kk'ak'alin
puwi utinimit i Ajwal.
Man je kojonnaq ti che intrat
xaq kiqelom ink'utunik.
2Tz'aqat kek'un wu' kesik'in chub'ixkil:
¡Qeta'am chi yet lik at Dios ke aj Israel!
3Xwiri i tinimit Israel uxutum i utz,
rumali keterej ni rajch'oj chrij.
4Lik xkib'ij ti chwe xekikoj kajawinelab',
xaq kich'ikom rij kaj-atzil chi Yin weta'am taj.
Kik'amom kisaq-o'oj xaq i ki'an-o'oj
re kki'an kitiox che,
rumal uri ile lik kitukel kkisachsaj kiwach.
5¡Lik tzel kwil uk'exwach i chikop chi yet Samaria kakoj u'ij!
Lik mi'naq woywal chrij ire.
¿Junpa nawi knajtinik chi kech'ajtaj i aj Israel?
6¡I me' le chi re tinimit Samaria Dios taj!
Xa x-an rumal jun aj-anol k'exwach,
xaq lik k-an ni ch'aqa taq che.
7Ike kkitik tew
xaq kkimol i jab' tew upam,
lik nti ulew ku' re kkimol uwach,
xaq lik nti arin kkesaj che i trigo;
i we o taq kkesaj che,
are ni aj naj ketijawik.
8¡I tinimit Israel b'i'talik!
I jub'an chik nimaq taq tinimit kkilo
pacha taq jun b'iroxik chi nti kajwax wi,
9rumal xe'e ku' aj Asiria
pacha jun b'uy laj itzel axna aj pa taq es.
¡I tinimit Efraín xuya sipon lo'b'al ke i winaq chi kumin rib' ku' xa ani'al!
10Xwiri tupu kuya i sipon pa nimaq taq tinimit,
yin wo'or kinkichersaj nu b'i kiwach,
i kuriqa ni jun ij chi nti chik
ajawinelab' xaq mitene aj-ok'al utzam i tinimit.
11Man i tinimit Efraín kuyijb'a k'iyal taq k'ijib'al re sujb'al sipon,
chi xwi kajwax che re ku'an mak atzalal.
12Tupu yin xintz'ib'aj k'iyal taq ink'utunik chi kajwax che ire,
xwiri ire xu'an che pacha taq reta'am ti uwach.
13Ike lik qus kkil uporoxik sipon, xaq lik kkiporoj,
xaq kkitij i ti' chi kkisujuj;
xwiri Yin in Ajwal lik kinkikot ti ku' ike:
Kk'un ni chink'ux ni'pa taq i utz taj chi xki'ano,
i kinya ni utojb'alil kimak,
kin-an chke chi ketzalij chali pa Egipto.
14I tinimit Israel kuyak ni nimaq taq ja ke ajawinelab',
xwiri ksach ni chuk'ux i aj-anol re.
I tinimit Judá kuyak ni nimaq taq tinimit chi lik sutim rij ru' tapial,
xwiri yin kin-an ni chke chi kejar ni pa 'a
i kk'is nu b'i kiwach i nimaq taq ja ke ajawinelab'.
Currently Selected:
Oseas 8: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
