Oseas 6
6
I tinimit Israel kulapo chi ktzalij chali ru' i Ajwal
1Chixpet iwonojel chojtzalij chik ru' i Ajwal.
Ire xu'an ch'aqa taq chqe, xwiri xaq kojrutzirsaj na;
xojusoko, xwiri kojukunaj na.
2Chrijil keb' ij kutzalijsaj chali qak'aslemal,
che urox ij kojuyak na man kojk'asi ni chwach Ire.
3¡Chqatija u'ijol qib' chretamaxik uwach i Ajwal!
I Ajwal kpe ni qu' yoj,
lik qatzij ile keje pacha are kel li ij,
lik qatzij ile keje pacha i jab' are kuja'aj uwach ulew
are k-e i jab' are uri kpe utux i che' xaq i kotz'ij.
Ula'ik uwach rumal i Ajwal
4Kub'ij i Ajwal:
¿Wach nawi kin-an chawe yet tinimit Efraín?
¿Wach nawi kin-an chawe yet tinimit Judá?
I uk'axnab'al ik'ux chwe Yin
keje pacha i sutz' re usaqirb'al,
pacha i uxaqk'aj re usaqirb'al, chi we' ksachik.
5Rumali xin-an ch'aqa taq chke kumal i je profeta;
ru' intzij chi xinb'ij chke xeinkamsaj.
I in-atb'al tzij lik k-aljinik pacha utzunb'al a'.
6Are i kwaj Yin chiwe yix chi k'ax kinina'o,
are ti ile chi kisujuj taq sipon chwe,
chi kiwetamaj inwach chi Yin in Dios,
xaq misujuj taq porom sipon chwe.
7Xwiri intinimit, keje pacha i Adán,
u'anom taj pacha kub'ij intrat, xaq ukub'am ti uk'ux chwe.
8I Galaad are jun tinimit chi je utz ti laj taq winaq,
lik ronojel tz'itajnaq rij ru' i kik'.
9I je ajsujul sipon je are jutzob'aj ili'omab'
je kik'ak'alim i winaq;
kekamsan pa taq b'e re i Siquem
lik k'ixb'al chkiwach i winaq wach i kki'ano.
10Pa tinimit Israel lik wilom i b'iroxik chi lik ch'am taj:
I tinimit Efraín u'anom i ch'am taj ru' uch'akul,
i tinimit Israel lik ritzim rib'.
11Xaq i chawe yet, tinimit Judá,
inch'ikom chik i ij re kinya utojb'alil amak.
Are kinjalwachij kik'aslemal intinimit Israel,
Currently Selected:
Oseas 6: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
