Oseas 3
3
Ma Oseas xaq ixoq chi kumin rib' ru' jun chi k'ulinaq ti ru'
1I Ajwal xub'ij chik chwe:
“Jat, k'ax chana jun ixoq
chi k'ax kuna jun chik achi xaq xmakun ku' i achiyab' chu'anik i ch'am taj ru' uch'akul.
Keje k'axnab'al uk'ux i Ajwal ile chke i aj Israel,
tupu ike kkikoj ki'ij i dios chi etamam ti kiwach,
xaq kkitij i lejom uva chaqij chi ksujux chke.”
2Are uri xinlo' jun ixoq lik we yin
i xintoj jo'lajuj pwaq re saq-o'oj
xaq waqib' oxwinaq (66) kukub' nimaq re cebada.
3Xinb'ij che: “Lik k'iyal ni ij at we yin;
lik ma'an taq i ch'am taj ru' ach'akul xaq maya awib' che jun chik achi,
xaq yin kinjikb'a ni ink'ux chawe.”
4Lik k'iyal ni ij i aj Israel
lik nti kajawinel xaq nti aj-ok'al utzam chke,
xaq lik kkiya ti sipon mitene taq ab'aj o ki'ij,
xaq nti k'ul ku' ke ajsujul sipon, xaq mitene tiox pkachoch.
5Chrijil iri ketzalij chik i aj Israel
xaq kkitzukuj ni Ajwal chi ki-Dios
xaq i ma David chi kajawinel.
Pa k'isb'al taq ij
kkitzukuj ni chik i Ajwal
xaq ronojel i ub'itaq ke chi are ire kyawik.
Currently Selected:
Oseas 3: ACHICUB
Highlight
Share
Compare
Copy
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
